06.06.2026 | 19:05
Բիթքոյնը կորցնում է գրավչությունը․ ներդրողները նախընտրում են AI ընկերություններն ու խոշոր IPO-ները
Հաշմանդամության խմբեր տալու պետական համակարգը վստահություն չի վայելում․ Արմեն Ալավերդյան. ՏԵՍԱՆՅՈՒԹ
Հասարակություն
14.04.2021 | 16:05
Հաշմանդամության խմբեր տալու պետական համակարգը վստահություն չի վայելում: Այս մասին «Հաշմանդամության կարգավիճակ. բժշկասոցիալական փորձաքննությունների ընթացքում ինչո՞ւ են խախտվում մարդու իրավունքները» թեմայով առցանց քննարկման ժամանակ նշեց «Ունիսոն» ՀԿ գործադիր տնօրեն Արմեն Ալավերդյանը:
«Համակարգը վստահություն չի ներշնչել տարիներ ի վեր, և հիմա էլ, ցավոք սրտի վստահություն չի վայելում՝ հատկապես հաշմանդամության խմբերի նշանակման գործում: Տարբեր օրինակներ կարող եմ բերել, որոնք վկայում են վստահության պակասի մասին: Հատկապես դժգոհ են 3-րդ կարգի հաշմանդամություն ունեցող անձինք, որոնց կարծես թե ուզում են համակարգից դուրս թողնել, և այդ դեպքում նրանք կզրկվեն արտոնություններից, առանց այն էլ նրանք խղճուկ արտոնություններ ունեն: Անհասկանալի է, թե ինչ չափանիշներով է տրվում հաշմանդամության կարգավիճակը: Ես առաջարկել եմ թեստային տարբերակ ստեղծել, բայց Կառավարությունից ոչ ոք չի լսում:»:
Մանրամասները՝ տեսանյութում:
