11.08.2026 | 15:11
Ո՞րն է այն իրավական ակտը, որով ՀՀ տարածքը 29,743 քառակուսի կմ է, ո՞ւր կորավ 57 քառակուսի կիլոմետրը. Արթուր Խաչատրյան
Գևորգ Լոռեցյանը կշարունակի մնալ կալանքի տակ
Հասարակություն
14.04.2021 | 14:55
ԿԳՄՍ նախկին փոխնախարար Գևորգ Լոռեցյանը գրավի դիմաց ազատ չի արձակվի։ Դատավորն արդեն հինգերորդ անգամ մերժեց նրան գրավի դիմաց ազատ արձակելու պաշտպանների միջնորդությունը։
Նշենք, որ Լոռեցյանի պաշտպան Լևոն Սահակյանը դատարանին միջնորդել էր փոխել Լոռեցյանի կալանքը 2 միլիոն գրավով: Լոռեցյանը կալանքի տակ է 2019-ի դեկտեմբերից։
Ըստ մեղադրական եզրակացության՝ Գևորգ Լոռեցյանը 2019թ․ հունիսի 4-ից լինելով գործադիր իշխանության ղեկավար պաշտոնատար անձ, «Լուառ» և «Էլիտ Սպրտ» առևտրային կազմակերպությունների սեփականատեր և գործադիր տնօրեն Հրաչիկ Քանանյանից պահանջել է 2 միլիոն ՀՀ դրամ կաշառք իր կողմից ընդհանուր հովանավորչության, վերջինիս ներկայացրած առևտրային կազմակերպությունների կողմից ԿԳՄՍ նախարարության կազմակերպած գնման գործընթացներին մասնակցության ու դրանցում հաղթելու դեպքում մատակարարվող ապրանքներն ընդունելիս խոչընդոտներ չստեղծելու և հնարավոր խնդիրներից զերծ պահելու համար։
Լիլիթ Շաբոյան
