18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Թուրքիայում վախենում են կես միլիոն զբոսաշրջիկ կորցնել՝ ՌԴ կողմից ավիաչվերթները դադարեցնելու պատճառով
Քաղաքականություն
14.04.2021 | 16:45
Թուրքիան մտավախություններ ունի այս տարի մինչև 500,000 զբոսաշրջիկ կորցնել։ Այս մասին այսօր հայտնել է զբոսաշրջության նախարար Նուրի Էրզոյը, գրում է DW-ի ռուսական ծառայությունը:
Դա կարող է տեղի ունենալ այն պատճառով, որ Ռուսաստանը ապրիլի 15-ից հունիսի սկիզբը դադարեցրել է թռիչքները դեպի Թուրքիա։ Սույն որոշման պատճառը, ըստ պաշտոնական տեղեկությունների, այդ երկրում համաճարակաբանական իրավիճակի վատթարացումն է:
Անցյալ տարի կորոնավիրուսային համաճարակի պատճառով զբոսաշրջիկների հոսքը դեպի Թուրքիա նվազեց երկու երրորդով: Ստեղծված իրավիճակում, սակայն, վերլուծաբանները չեն բացառում, որ Ռուսաստանի իշխանությունների որոշումը կապված է Թուրքիայի նախագահ Էրդողանի հետ բարդ հարաբերությունների հետ, որը, մասնավորապես, անցյալ շաբաթ խոստացել է օգնություն ցուցաբերել Ուկրաինային՝ Ռուսաստանի հետ հակամարտությունում:
Տաթև Ֆռանգյան
