18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
2018-ին ՀՀ առաջին նախագահն ինձ ասել է՝ հողերն արդեն պետք է տաս․ Փաշինյան. ՏԵՍԱՆՅՈՒԹ
Քաղաքականություն
14.04.2021 | 14:12
Եթե պնդում եք, որ բանակցային գործընթացում սխալներ թույլ չեք տվել, ապա ինչո՞ւ է ՀՀ առաջին նախագահը հայտարարել, որ դուք ազգակործան պատուհաս եք: Փաստորեն, նա ամբողջ բանակցային գործընթացին հրաշալի տիրապետում էր և եթե նման հայտարարություն է անում, գուցե, իսկապես, մտորելու և ինքնախոստովանելու կարիք ունեք: Փաստ է, որ բանակցությունները պատշաճ չեն ընթացել, որի ելքն էլ եղավ պատերազմը: Այս մասին այսօր ԱԺ-ում Նիկոլ Փաշինյանին հարցրեց «Լուսավոր Հայաստան» խմբակցության պատգամավոր Աննա Կոստանյանը:
Փաշինյանն արձագանքեց, որ շատ կարևոր հարց է բարձրաձայնվում և եթե այն բարձրաձայնվում է, ապա իրեն թույլ կտա որոշ փակագծեր բացել:
«Առաջին նախագահը Արցախի հարցի կարգավորման վերաբերյալ իր պատկերացումներն ունի, որը մեզ հայտնի է 1997 թվականի «Պատերազմ, թե խաղաղություն» հոդվածից, բայց ես ուզում եմ, որ դուք ուշադրություն հրավիրեք մի հանգամանքի վրա, որ 1996 թվականի նախագահական ընտրություններին առաջին նախագահը մասնակցել է «Հաղթանակ, կայունություն, առաջընթաց» տերմինաբանությամբ և այդ շրջանում ոչ մի խոսք չի եղել խաղաղության, լրջանալու պահի մասին»,-նշեց վարչապետը:
Փաշինյանը հիշեցրեց, որ 2018 թվականի ամռանը հանդիպել է առաջին նախագահ Լևոն Տեր-Պետրոսյանի հետ և գաղտնիք բացեց իրենց զրույցից: «Ի՞նչ է ասել ինձ առաջին նախագահը մեր հանդիպման ժամանակ. մեջբերում՝ «հողերն արդեն պետք է տաս». մեջբերման ավարտ: Իսկ ինչի՞ դիմաց, ինչի՞ համար, ինչպե՞ս: Առաջին նախագահի պատկերացումը այս շրջանակից դուրս չի եկել, մնացածն արդեն գնահատման հարց է»:
