17.12.2025 | 20:23
Նազիկ Ավդալյան․ Քաղաքականությամբ զբաղվելու նպատակ չունեմ
Քուրդ զինյալները թուրքական ռազմական ուղղաթիռ են խոցել
Քաղաքականություն
12.02.2018 | 16:04
Թուրքիայի զինուժի կողմից Սիրիայում իրականացվող «Ձիթենու ճյուղ» ռազմական օպերացիայի ընթացքում՝ փետրվարի 10-ին, տեղի քրդական ուժերը խոցել են «ATAK» տիպի թուրքական ռազմական ուղղաթիռ. փոխանցում է EH-ն:
«BBC» լրատվամիջոցի թուրքական ծառայությունը, հղում անելով Թուրքիայի զինուժի գլխավոր շտաբին, նշում է, որ տեղի ունեցածի հետևանքով սպանվել են ուղղաթիռում գտնվող 2 թուրք օդաչուները:
Լուրը հաստատել է նաև Թուրքիայի նախագահ Ռեջեփ Թայիփ Էրդողանը: Վերջինս նշել է, որ Սիրիայի քրդական ուժերը «թանկ են վճարելու տեղի ունեցածի համար»:
Նույն օրը սպանվել էր ևս 9 թուրք զինվոր: Ընդհանուր առմամբ մեկ օրվա ընթացքում Թուրքիայի բանակը քրդերի հետ բախումներում տվել է 11 զինվորի կորուստ:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30 կմ խորությամբ հատվածը և այնտեղ հիմնել անվտանգության գոտի։
