07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Խաղաղություն պետք է լինի՝ ի հեճուկս Ալիևի կամ՝ է՛լ ավելի լավ՝ առանց Ալիևի․ Լենա Նազարյան. ՏԵՍԱՆՅՈՒԹ
Քաղաքականություն
13.04.2021 | 18:12
Այսօր շատ խոսվեց Ադրբեջանի նախագահի մասնակցությամբ Բաքվում բացված պուրակի մասին, և մեր արտաքին գերատեսչությունը հրապարակեց պաշտոնական վերաբերմունքը: Հավատացած եմ, որ մեր պետությունը, մեր երեխաներն ու նրանց սերունդները շատ ավելի երկար ու երջանիկ են ապրելու այս տարածաշրջանում, քան Ալիևը և նրա ֆաշիստական մարդասպան համակարգը կգոյատևի: Այս մասին Ազգային Ժողովում հայտարարությունների ժամին ասաց ԱԺ փոխնախագահ Լենա Նազարյանը:
Նրա խոսքով՝ մարդասպանության վայրագություններն իր ժողովրդին ողջ աշխարհին ի ցույց դնելով՝ Ալիևը մարտահրավեր է նետել, ողջ քաղաքակիրթ աշխարհին, որտեղ ընդունված են պատերազմների և ցեղասպանությունների զոհերի հիշատակը վկայակոչող պուրակներ և թանգարաններ ունենալ, այլ ոչ թե տեղի ունեցած բարբարոսությունները:
Լենա Նազարյանը նշեց, որ համաձայն է գործընկերների գնահատականներին, բայց չի ուզում, որ Ալիևի հետ մեկտեղ թիրախավորվի տարածաշրջանում խաղաղ ապրելու մեր մեծ ձգտումը։
«Ի՞նչ անել, երբ հարևան երկիրը նվիրագործում է պատերազմը, մարդասպանությունը և այլատյացությունը. իրավական, քաղաքական, միջազգային գործիքներով ոչ միայն խայտառակ անել գարշելի երևույթը և դրա հեղինակին, այլև ի հեճուկս Ալիևի՝ շարունակել ներդնել մեր անկեղծ ջանքերը մեր տարածաշրջանն անվտանգ դարձնելու համար: Հավատացած եմ, որ մեր 30 տարվա պետությունն ունի կամք ու կարողություն՝ հաղթելու տարածաշրջանում ֆաշիզմը, այլատյացությունը և ավտորիտարիզմը: Ալիևն ամբողջ աշխարհին ցույց է տվել, թե ինչպես է սպանել մարդկանց, մենք պետք է ցույց տանք, թե ինչպես կհաղթենք ֆաշիզմը մեր տարածաշրջանում, որտեղ ապրում և շարունակելու ենք ապրել: Խաղաղությունը պետք է լինի բոլոր ժողովուրդներինը այս տարածաշրջանում՝ ի հեճուկս Ալիևի, կամ էլ ավելի լավ առանց Ալիևի»,- նշեց Նազարյանը:
Մանրամասները՝ տեսանյութում:
