31.10.2026 | 15:07
Միրզոյանն ու Լիբանանի ԱԳ նախարարը քննարկել են երկկողմ համագործակցության զարգացումը
Թուրքիան և Ադրբեջանը մեր թշնամիներն են․ իրենք չեն դադարի մեզ ոչնչացնելու նկրտումները․Արման Աբովյան. ՏԵՍԱՆՅՈՒԹ
Քաղաքականություն
13.04.2021 | 18:09
Հայաստանը պետք է պարզ ու հստակ արձանագրի՝ Թուրքիան ու Ադրբեջանը մեր թշնամիներն են։ Այս մասին ԱԺ հայտարարությունների ժամին ասաց ԲՀԿ խմբակցության պատգամավոր Արման Աբովյանը։
«Ալիևը հայտարարում է, որ Երևանը, Սևանը, առհասարակ Հայաստանը, Արցախը՝ մեր պատմական հողերը, մեր տունը իր քոչվոր ցեղինն է։ Նրանք կովկասյան թաթարներ էին մինչև 20-րդ դարի սկիզբ, քոչվոր ցեղերի հավաքածու, 20-րդ դարի սկզբին դարձան ադրբեջանցի՝ իրանցիներից գողացած անվանումը կպցնելով իրենց վրա։ Մենք զայրանում ենք, ասում ենք՝ ինչի՞ համար են իրենք մեզ հետևողական սպանում ու ատում։ Դրա հետ մեկտեղ ասում ենք՝ մենք չպետք է իրենց վերաբերվենք որպես թշնամի, փորձենք չվերաբերվել որպես թշնամի, փորձենք մի բան փոխել։ Չի փոխվի, հավատացնում եմ ձեզ։ Ավելին, որ վայրկյանին մենք իրենց չընկալենք որպես թշնամի ու վտանգավոր տարր, այդ պահից սկսած կրկին պատերազմ սկսվի։ Ձեզ հարց տվեք՝ երբ հակահայկական թեզերը հանում ես Ադրբեջանի պետական գաղափարախոսության միջից, տակը ի՞նչ է մնում։ Ոչ մի բան։ Գիտե՞ք ինչու են իրենք մեզ ատում ու ուզում ոչնչացնել, շատ պարզ պատճառով, որովհետև իրենք ուզում են վերամիավորվել պանթուրանական պրոյեկտի շրջանակում։ Իսկ քանի դեռ հայերը տարածաշրջանում են, կապ չունի ինչ կարգավիճակով, իրենք չեն դադարի մեզ ոչնչացնելու իրենց բոլոր նկրտումները»,- նշեց Աբովյանը։
Մանրամասները՝ տեսանյութում:
