14.01.2026 | 21:27
Թուրքիայի ընդդիմադիր ազգայնական կուսակցության ղեկավարը Պոլսի Հայոց պատրիարքարան է այցելել
Ձեռնոցը նետված է, երկրում իրավական քաղաքականությունը տապալված է․ Արման Բաբաջանյան. ՏԵՍԱՆՅՈՒԹ
Քաղաքականություն
13.04.2021 | 17:19
Պատգամավոր Անդրանիկ Քոչարյանը օրերս ներողություն խնդրեց ՍԴ սխալ դատավորներ ընտրելու համար, և ես կարծում էի, որ նման հայտարարություն կլինի «Իմ քայլը» խմբակցության անունից: Այս մասին ԱԺ-ում հայտարարությունների ժամին ասաց ԱԺ անկախ պատգամավոր Արման Բաբաջանյանը:
Պատգամավորի խոսքով՝ որևէ դատարան չի կարող սրբագրել Մարտի 1-ի զարհուրելի հանցագործությունը, որևէ մեկը չի մոռանա Քոչարյանի դերակատարությունը Մարտի 1-ի իրադարձություններում, որը, ըստ Բաբաջանյանի, իրականացվել է ոստիկանության, բանակի և քրեաօլիգարխիայի միջև հանցավոր համաձայնությամբ:
Նա թվարկեց 10 զոհերի անունները և ներողություն խնդրեց նրանցից այս փուլում նման մեծ տապալման համար:
«Մենք չկարողացանք դատական արդար քննությամբ հասնել ճշմարտության բացահայտմանը, բայց հույս ունեմ, որ մեզ, ի վերջո, հաջողվելու է բացահայտել կատարվածի ողջ պատկերը»,- ընդգծեց պատգամավորը:
Բաբաջանյանը կարծում է, որ ՍԴ որոշումից հետո հին իշխանությունները փորձելու են հասնել ռևանշի և վերականգնել հին համակարգը:
«Ձեռնոցը նետված է, և մենք պետք է համախմբենք և փոխենք միջավայրը՝ փոխելով նաև դատական համակարգը: Այսօր դատական համակարգն իր վիճակի չէ իրականացնել արդարադատություն, և մեզ անհրաժեշտ է իրականացնել արմատական փոփոխություններ: Վաղը՝ ժամը 13:00-ին, ԲԴԽ շենքի առջև «Հանուն Հանրապետության» կուսակցությունը բողոքի ակցիա է իրականացնելու: Հրավիրում ենք բոլոր նրանց, ովքեր այս տարիներին տուժել են անօրինություններից»,- նշեց Բաբաջանյանը:
Մանրամասները՝ տեսանյութում:
