31.10.2026 | 16:36
Հայաստանում բացվել է «ՀայՓաս» ընկերության տվյալների կենտրոնը
Հայաստանը անհապաղ պետք է դադարեցնի բանակցությունները մինչև վերջին գերեվարվածի վերադարձը․ Բաբաջանյան. ՏԵՍԱՆՅՈՒԹ
Քաղաքականություն
13.04.2021 | 10:56
Ազգային ժողովում մեկնարկել է հերթական նիստի աշխատանքը: Անկախ պատգամավոր Արման Բաբաջանյանն անդրադարձավ Ադրբեջանի նախագահի երեկվա ելույթին. «Դա նրա ամենաանկեղծ խոսքն էր. ըստ էության` նա պատրաստվում է «ջարդել բոլոր բարձրացվող գլուխները, որոնք կմտածեն ռևանշի մասին»:
Նրա խոսքով` այլևս կասկած չկա, որ գերեվարված հայ զինծառայողները իրականում պատանդներ են ռուս-թուրքական տանդեմի ձեռքին: «Մոսկվան չի կարողանում կատարել իր միջնորդի խաղաղապահ դերը: Մոսկվան պետք է կատարի այդ հանձնառությունը, իսկ Հայաստանը միայնակ անընդունակ է լուծել այս հարցը: Այս իրավիճակում Հայաստանը պետք է անհապաղ հայտարարի, որ դադարեցնում է բոլոր տեսակի քաղաքական բանակցությունները մինչև ամենավերջին գերեվարվածի վերադարձը: Ալիևն օգտագործելու է գերիների թեման նախընտրական ժամանակաշրջանում իր համար նախընտրելի քաղաքական թեժ մթնոլորտ ապահովելու համար: Դրանից էլ օգտվում են մեր երկրի ներքին թշնամիները: Հայաստանը պետք է օր առաջ գտնի ինքզինքը և չվախենա ռևանշի մասին մտածել ու նոր գործընկերների աջակցությամբ կարողանալ ի մի բերել ներքին ուժերն ու դիմադրելու կարողությունը»,- նշեց պատգամավորը:
Մանրամասները՝ տեսանյութում:
