30.06.2026 | 13:16
Տաքսու վարորդներն ու բոլոր գրանցված աշխատողները հունվարի 1-ից առողջության ապահովագրություն կունենան․ ՏԵՍԱՆՅՈՒԹ
Ականազերծման աշխատանքներ են իրականացվում Մարտակերտի գյուղատնտեսական նշանակության հողերում
Քաղաքականություն
13.04.2021 | 14:25
Ռուսաստանի խաղաղապահ զորախմբի մարդասիրական ականազերծող ինժեներասակրավորական խմբերը շարունակում են մաքրել Լեռնային Ղարաբաղի տարածքը ականներից և պայթյունավտանգ առարկաներից, հայտնում են ՌԴ ՊՆ-ից:
Տեղեկացվում է, որ այժմ ռուս զինծառայողները ակտիվ ականազերծման աշխտանքներ են իրականացնում Մարտակերտի ծայրամասերում։ Տեղեկացվում է, որ այստեղ՝ գյուղատնտեսական նշանակության հողերի տարածքում, ռազմական գործողությունների ընթացքում տեղակայված են եղել հրետանային դիրքեր: Այս պահին տեղի բնակիչները չեն կարող վերսկսել գյուղատնտեսական աշխատանքները, քանի դեռ չի իրականացվել տարածքի ամբողջական մաքրում:
Նշվում է, որ վերջին մի քանի օրվա ընթացքում Մարտակերտի շրջանի տարածքում ռուս սակրավորների կողմից հայտնաբերվել և վնասազերծվել է ավելի քան 50 խոշոր տրամաչափի արկ և պայթյունավտանգ առարկա:
Ընդհանուր առմամբ, 2020 թվականի նոյեմբերի 23-ից ի վեր, Ռուսաստանի խաղաղապահ զորախմբի մարդասիրական ականազերծման ստորաբաժանման զինծառայողները չպայթած զինամթերքից մաքրել են 1960 հա տարածք, 605 կիլոմետր ճանապարհ, 1692 շենք-շինություն, այդ թվում ՝ 30 սոցիալական նշանակության օբյեկտ, հայտնաբերվել և վնասազերծվել է 25 484 պայթյունավտանգ առարկա:
Տաթև Ֆռանգյան
