19.12.2025 | 16:09
Ադրբեջանի Մեջլիսը դատապարտել է Բաքվի դեմ Եվրախորհրդարանի բանաձևը
Երեխեքին խաբել են, թե տանում են պահեստներ, բայց տարել են գրավված Հադրութ. զոհվածի ծնող. ՏԵՍԱՆՅՈՒԹ
Հասարակություն
12.04.2021 | 17:39
«Երեխաներին խաբել և դիրքերում ասել են, որ տանում են պահեստ։ Մինչև մեր երեխաներին տեղափոխելը, 10–րդ վաշտի հրամանատարը, որը տեղյակ է եղել, որ Հադրութը թշնամու վերահսկողության ներքո է, հրաժարվել է, ասելով՝ ինչ դատաստան ուզում եք իմ նկատմամբ արեք, ո՛չ ես կգնամ, ո՛չ էլ իմ տղաներին կուղարկեմ։ Երեխաներին խաբել, պոստից հանել ու տարել են մտցրել մսաղացը։ Մենք ԱԱԾ–ից պահանջում ենք, որ բերման ենթարկեն այդ ժամանակվա ՊԲ հրամանատարին՝ Ջալալ Հարությունյանին, որովհետև հրամանը ինքն է տվել։ Տեսնենք՝ ինչի համար են իմանալով հանդերձ, որ տարածքը մերը չէ, մեր երեխաներին տարել են մսաղաղ»,- այս մասին այսօր՝ ապրիլի 12–ին Ազգային ժողովում լրագրողների հետ զրույցում ասաց զոհված զինվորի հայրը։
Նա նշեց, որ իր ձեռքի տակ է այդ հրամանը և անհրաժեշտության դեպքում դա կարող են ներկայացնել ԱԱԾ։
«Մեզ ոչ մի պատասխան չեն տվել, թե ինչ պատճառաբանությամբ են տարել մեր երեխաներին։ Այն տպավորությունն է, որ չեն էլ հետաքրքրվում։ Իսկ կոնկրետ իմ կարծիքով՝ թուրքերի հետ նախօրոք պայմանավորված են եղել, որ «այսքան մարդ բերենք, այսքան գումար տվեք», դրանից առաջվա գումարտակը գնացել է, մազապուրծ է եղել ու հետ եկել, հիմա ինչի համար են հաջորդ օրը երեխաներին տարել մտցրել մսաղացը»,– նշեց զոհված զինվորի հայրը:
Մանրամասները՝ տեսանյութում:
