30.06.2026 | 11:20
«Կիոկուշին կարատեն մարզիկի մեջ ձևավորում է կարգապահություն, ինքնավստահություն և չհանձնվելու ձգտում»․ Վահագն Հակոբյան
Բոտսվանայում AstraZeneca-ով պատվաստվելուց հետո մահվան երկու դեպք է գրանցվել
Քաղաքականություն
12.04.2021 | 22:39
Բոտսվանայում հետաքննում են AstraZeneca-ով կորոնավիրուսի դեմ պատվաստվելուց հետո մահվան երկու դեպքը։ Այս մասին հայտնել են երկրի Առողջապահության նախարարությունից, գրում է «ՌԻԱ Նովոստին»:
Համաձայն նախարարության հայտարարության՝ հաղորդագրություն է ստացվել այն մասին, որ երկու տարեց մարդ մահացել է կորոնավիրուսի դեմ պատվաստումից հետո։ Բոստվանայի ԱՆ-ից նշել են, որ երկրի բժշկական կարգավորիչ մարմինը հետաքննություն կիրականացնի՝ մահվան հանգամանքները պարզելու համար։
Բոտսվանայում կիրառվում է Հնդկաստանում արտադրված AstraZeneca պատվաստանյութը: Երկրում պատվաստումները սկսվել են մարտի վերջին: Այս պահին պատվաստանյութ է ստացել ավելի քան 31 հազար մարդ: Երկրի Առողջապահության նախարարության տվյալներով ՝ Բոտսվանայում հայտնաբերվել է կորոնավիրուսային վարակի 39․313 դեպք, 616 մարդ մահացել է:
Տաթև Ֆռանգյան
