17.09.2026 | 14:49
Տեղեկություն Կիպրոս – Հայաստան հանդիպման տոմսերի վերաբերյալ
ՀՀ-ում AstraZeneca-ով պատվաստման տարիքային շեմ կսահմանվի 55 տարեկանը․ առողջապահության նախարար. ՏԵՍԱՆՅՈՒԹ
12.04.2021 | 12:44
Լրացուցիչ ապահովության և անվտանգության համար որոշում կայացրինք, որ AstraZeneca-ով պատվաստման համար կսահմանվի տարիքային շեմ՝ 55-ից բարձր։ Այս մասին այսօր լրագրողների հետ հանդիպմանը նշեց ՀՀ առողջապահության նախարար Անահիտ Ավանեսյանը։
«AstraZeneca-ի դեպքում առաջին ռիսկի խումբը 65 և բարձր տարիքի քաղաքացիներն են, 55-ից բարձր բուժաշխատողները և քրոնիկ հիվանդները, ինչպես նաև սոցիալական խնամքի կենտրոնների բնակիչները և աշխատակիցները։ Sputnik V-ի օգտագործման ցուցումներում սամանել ենք հետևյալ խմբերը․ 18-54 տարեկան բուժաշխատողները, ինչպես նաև մինչև 54 տարեկան քրոնիկ հիվանդները, սոցիալական խնամքի կենտրոնների բնակիչներն ու աշխատակիցները։
Նախարարի խոսքով՝ այս ցուցումները ժամանակի ընթացքում կվերանայվեն և 65-ից բարձր տարիքի քաղաքացիները ևս հնարավորություն կունենան պատվաստվել Sputnik V-ով։
«Այս պահին ավարտական փուլին ենք հասցնում նաև Novavax պատվաստանութի ձեռքբերումը։ Բացի այդ, իհարկե, վարում ենք երկկողմանի բանակցություններ ՌԴ-ի հետ։ Հույս ունենք, որ առաջիկայում կկնքվեն նոր խմբաքանակների համաձայնագրեր և կունենանք նոր ներմուծումներ։ Չինաստանի կառավարության կողմից ունենք նախնական համաձայնություն՝ ՀՀ-ին դոնորության շրջանակում տրամադրվելիք Sinovac պատվաստանյութի մասին։ Առաջիկայում այն ևս կժամանի Հայաստան։ Պատվաստումն այն կարևոր միջոցառումն է, որը պիտի օգնի, որ այս համավարակի էջը վերջապես փակված համարենք»,- եզրափակեց նախարարը։
Մանրամասները՝ տեսանյութում։
Նելլի Մելքոնյան
