27.04.2026 | 20:50
Սյունիքի մարզում վթարյին ջրանջատում կլինի
Մենք Թուրքիայի կողքին մարտնչել ենք Ղարաբաղում, բայց մեռնում ենք սովից․ սիրիացի վարձկանները բողոքում են՝ չեն վարձատրվել․ ՏԵՍԱՆՅՈՒԹ
Քաղաքականություն
09.04.2021 | 20:51
Ամերիկացի անկախ լրագրող Լինդսի Սնելը զրուցել է սիրիացի վարձկան զինյալների հետ, որոնք մարտնչել են Լեռնային Ղարաբաղում, սակայն չեն վարձատրվել։ Այս մասին լրագրողը հայտնում է իր թվիթերյան էջում։
Լրագրողը զրուցել է նաև սպանված վարձկաններից մեկի քրոջ հետ, որն ապրում է Թուրքիայում սիրիացի փախստականների համար նախատեսված ճամբարում։ Նա պատմել է, որ իր ընտանիքին ևս չի վճարվել որևէ գումար։ Նաև նշել է, որ «Սուլթան Մուրադ» խմբավորման անդամ հանդիսացող իր եղբայրը զոհվել է Ջաբրայիլում՝ հայտնի հրամանատարներից մեկի կողքին կռվելով։ Սպանված վարձկանը, քրոջ խոսքով, Ադրբեջանում է եղել մեկ ամիս, սակայն եղբոր մահից հետո իրենց չեն վճարել, ինչպես չեն վճարել բազմաթիվ այլ սպանվածների հարազատների։
Լրագրողը նաև տեսանյութ է հրապարակել, որտեղ Թուրքիայի աջակցությունը վայելող «Սուլթան Սուլեյման» խմբավորման վարձկան զինյալները բողոքում են, թե իրենց հրամանատար Աբու Ամաշն իրենց չի վճարել Ղարաբաղում կռվելու համար։
«Մենք Թուրքիա պետության կողքին մարտնչել ենք Ղարաբաղում։ Մենք սպանվել ենք ու վիրավորվել։ Աբու Ամաշը գողացել է մեր աշխատավարձերը, մարդիկ սովից մահանում են»,- լրագրողին պատմել են վրդովված զինյալները։
Լրագրողը նշում է, որ մինչ օրս Թուրքիան ու Ադրբեջանը դեռևս հերքում են, որ թուրքամետ վարձկան զինյալները մարտնչել են Լեռնային Ղարաբաղում։
Մանրամասները՝ տեսանյութում։
Տաթև Ֆռանգյան
Turkish-backed SNA fighters from Sultan Suleiman Shah complain that commander Abu Amsha, never paid them for fighting in Karabakh. "We have dead and injured. Abu Amsha stole their salaries, people are dying from hunger."
Turkey and Azerbaijan still deny that SNA went to Karabakh. pic.twitter.com/tds0PpUIYx— Lindsey Snell (@LindseySnell) April 9, 2021
