30.06.2026 | 16:24
Դոհայում ԱՄՆ-Իրան ուղիղ բանակցություններ չեն անցկացվի
Պատվաստումից հետո վրացի բուժքրոջ մահվան գործով մեղադրանք է առաջադրվել երկու բժիշկի և բուժքրոջ
Քաղաքականություն
08.04.2021 | 20:27
Վրաստանի գլխավոր դատախազությունը Ախալցխայի կլինիկայի բուժքույր Մեգի Բաքրաձեի մահվան գործով մեղադրանք է առաջադրել նույն կլինիկայի երկու բժշկի և բուժքրոջ, հաղորդում է Sputnik Georgia-ն։
Ախալցխայից 27-ամյա բուժքույրը մահացել էր մարտի 19-ին, AstraZeneca-ով պատվաստվելուց հետո: Բժիշկների խոսքով՝ նրա մոտ առաջացել է անաֆիլակտիկ շոկ, մահվան ճշգրիտ պատճառը պարզելու համար փորձաքննություն է իրականացվում։ Բաքրաձեի մահվան դեպքը հետաքննվում է «անզգուշությամբ մահ պատճառելու» հոդվածով:
Ըստ դատախազության՝ այս գործի հետաքննության շրջանակում հարցաքննվել է կլինիկայի անձնակազմը, այդ թվում՝ բժիշկները, որոնք եղել են Բաքրաձեի կողքին, երբ վերջինս սկսել է իրեն վատ զգալ: Սակայն բժիշկներից մեկը թաքցրել է իրականությունն ու հայտարարել, որ Բաքրաձեի վիճակի վատթարացումից հետո իր ղեկավարությամբ իրականացվել են բոլոր անհրաժեշտ բժշկական գործընթացները, ինչն էլ հաստատել են մյուս բժիշկներն ու բուժքույրերը։
Հետաքննությունը պարզել է, որ այդ բժիշկը Բաքրաձեին օգնություն չի ցուցաբերել, իսկ առաջին բուժօգնություն ցուցաբերելու ժամանակ ընդհանրապես չի եղել հիվանդասենյակում։
Տաթև Ֆռանգյան
