31.10.2026 | 14:18
Հայաստանի և Ֆրանսիայի փրկարար ծառայությունները կշարունակեն համագործակցությունը
Նիկոլ Փաշինյանով ընտրությունները հավելյալ խնդիրներ են ստեղծելու. ՀՅԴ-ն մասնակցելու որոշում չունի․ Գեղամ Մանուկյան․ ՏԵՍԱՆՅՈՒԹ
Քաղաքականություն
07.04.2021 | 20:02
Factor TV-ի հարցազրույցը ՀՅԴ անդամ Գեղամ Մանուկյանի հետ
-Պարո՛ն Մանուկյան, ՀՅԴ-ն մասնակցելո՞ւ է արտահերթ ընտրություններին։
-Դաշնակցությունն ընտրությունների շուրջ որևէ որոշում չի կայացրել՝ մի քանի պատճառով․ որոշում կայացնելը Դաշնակցությունում մեկ անձով չի պայմանավորված, և երկրորդ ու ամենագլխավոր պատճառը՝ Հայաստանի վարչապետի պաշտոնը զբաղեցնող անձի ֆեյսբուքյան ստատուսը հիմք չէ՝ Հայաստանում ընտրություններ կազմակերպելու մասին որոշում համարելու։
-Բայց, այդուհանդերձ, գրեթե բոլոր քաղաքական ուժերը պատրաստվում են ընտրությունների։
-Ես չգիտեմ՝ ինչ են անում շատերը, արձանագրում եմ այն, ինչ մենք ասում ենք՝ Հայաստանի Հանրապետությունում ընտրությունները նշանակված չեն։
-«Հայրենիքի փրկության շարժման» մարզային այցերն արդյո՞ք կարելի է դնել ընտրարշավի տրամաբանության մեջ։
-Ո՛չ։ Երբ Հայաստանում դեռ ընտրությունների մասին խոսակցություն չկար, դեռ երկու-երեք ամիս առաջ՝ հունվարին էլ, դեկտեմբերին էլ, «Հայրենիքի փրկության շարժումը» մարզեր այցելում էր։ Եթե տեսնեք հռետորաբանությունը, ելույթները, բովանդակությունը, որևէ նախընտրական տարր չկա։
-Վազգեն Մանուկյանը Սևանում հայտարարում է․ «Մեզ պետք չի ընտրությունների գնալ, մենք պետք է զոռով այս իշխանություններին քշենք։ Այս ընտրությունները միայն գլխացավանք և վնասակարություն են բերելու»։ Սա նաև ՀՅԴ-ի՞ տեսակետն է։
-Բազմիցս Դաշնակցության ներկայացուցիչների խոսքում եղել է՝ բացառել Նիկոլ Փաշինյանով ընտրությունները։ Այն ձևակերպումը, որ ասում են՝ ընտրությունները քաղաքական ճգնաժամի հանգուցալուծում են․․․ ընտրությունները կարող են փորձ լինել հանգուցալուծելու։ Սակայն Նիկոլ Փաշինյանով ընտրությունները հավելյալ խնդիրներ են ստեղծելու մեր ժողովրդի, հասարակության համար։
Հարցազրույցն ամբողջությամբ՝ տեսանյութում։
Ռոբերտ Անանյան
