30.06.2026 | 14:52
Ընդդիմադիր ուժերի առաջնորդների հետ հանդիպել եմ, գաղտնի պլան ունենք. Սամվել Կարապետյան․ ՏԵՍԱՆՅՈՒԹ
Մարտի 1-ի գործը փուչ չէ. Մարիա Կարապետյան․ ՏԵՍԱՆՅՈՒԹ
Հասարակություն
07.04.2021 | 18:25
Մենք այժմ աշխատում ենք մեր նախընտրական ծրագրի վրա, և այդ ծրագիրը կազմելիս ամփոփում ենք այն ամենը, ինչ հասցրել ենք անել նախորդ նախընտրական ծրագրից և Կառավարության ծրագրից, որը նաև ԱԺ-ն հաստատել է։ Հետևաբար՝ հանրությունը շուտով, երբ կհրապարակվեն ծրագրերը, այդ թվում՝ մեր նախընտրական ծրագիրը, հնարավորություն կունենա տեսնելու, թե մենք ինչպես ենք գնահատում մեր աշխատանքը, ինչն ենք համարում, որ արել ենք, ինչը՝ ոչ։ Այս մասին Factor TV-ի հետ զրույցում նշեց ԱԺ «Իմ քայլը» խմբակցության անդամ Մարիա Կարապետյանը։
Անդրադառնալով դատական ոլորտի բարեփոխումներին՝ Կարապետյանը նշեց, որ «վեթինգ» բառը ծրագրերում նշված չէ։
«Դատական բարեփոխումների համատեսքստում ո՛չ մեր նախընտրական ծրագիրը, ո՛չ Կառավարության ծրագիրը չի օգտագործել «վեթինգ» բառը։ Ես սա ասում եմ ոչ թե նրա համար, որ դա պատճառ էր, որ մենք չանեինք վեթինգ, այլ ուզում եմ ասել, որ մենք վերջնանպատակն ենք ֆիքսել, որին հասնելու գործիքներից մեկը կլիներ վեթինգը»,- մանրամասնեց Մարիա Կարապետյանը։
Նրա խոսքով՝ իշխանությունը ընտրել է փափուկ վեթինգով գնալու ճանապարհը, որը, որոշ մասնագետների կարծիքով, գուցե վեթինգի հետ կապ չունի։
«Փաստացի կա 2 ճանապարհ։ Մեկը՝ համակարգից բոլոր դատավորները դուրս են գալիս և հետո նորից հերթով ընդունվում աշխատանքի կամ համալրվում նոր դատավորներով։ Մյուս տարբերակը՝ հետայսու ցանկացած թերացում թույլ տալու կամ դրա վերաբերյալ ողջամիտ կասկած ունենալու պարագայում գործում են այն մեխանիզմները՝ հանձնաժողովների միջոցով, Արդարադատության նախարարության դիմումի միջոցով, որոնց արդյունքում աստիճանական զտում և առողջացում է տեղի ունենում դատական համակարգում»,- պարզաբանեց իմքայլական պատգամավորը։
Մանրամասները՝ տեսանյութում։
