28.03.2026 | 11:56
ԲՏԱ նախարարը հանդիպել է ամերիկյան Synopsys-ի ներկայացուցիչների հետ
Փաշինյանը Պուտինին առաջարկել է քննարկել ՀՀ-ում նոր ատոմակայան կառուցելու հարցը
Քաղաքականություն
07.04.2021 | 18:09
Մոսկվայում գտնվող ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հանդիպմանն առաջարկել է քննարկել ռազմավարական ներդրումներին վերաբերող հարցեր, մասնավորապես՝ նոր ատոմային էլեկտրակայան (ԱԷԿ) կառուցելու հարցը։
«Հայաստանի համար չափազանց կարևոր են տնտեսական համագործակցությանը վերաբերող հարցերը, և ես հուսով եմ, որ մենք այսօր կքննարկենք ռազմավարական ներդրումներին վերաբերող հարցեր։ Այս համատեքստում կուզենայի Ձեր հետ քննարկել Հայաստանում նոր ատոմային էլեկտրակայան կառուցելու հարցը։ Մենք նաև սերտ համագործակցում ենք COVID-19 համաճարակի դեմ հակազդման հարցում։ Մենք վաղը կստանանք ռուսական պատվաստանյութի առաջին խմբաքանակը, և հուսով ենք է՛լ ավելի մեծ քանակի ռուսական պատավաստանյութ ստանալ, քանի որ այն գործնականում ապացուցել է իր արդյունավետությունը»,- ասել է Փաշինյանը։
Տաթև Ֆռանգյան
