13.03.2026 | 11:34
ԱՄՆ-ը ժամանակավորապես մեղմացրել է ռուսական նավթի դեմ պատժամիջոցները
Բանակցություններ են գնում ՌԴ-ի հետ՝ պատվաստանյութի որոշակի քանակ ձեռք բերելու համար. Նարեկ Զեյնալյան. ՏԵՍԱՆՅՈՒԹ
07.04.2021 | 15:23
Եվրոպական միության գործակալությունը հստակ ֆիքսել է, որ կապը՝ մահերի անմիջական պատճառի և պատվաստման, ապացուցված չէ։ Այս մասին լրագրողների հետ զրույցում նշեց ԱԺ «Իմ քայլը» խմբակցության պատգամավոր Նարեկ Զեյնալյանը։
Հարցին՝ ինչու ենք ներմուծել AstraZeneca, այլ ոչ Sputnik V, Զեյնալյանը պատասխանեց, որ Ռուսաստանի հետ բանակցություններն ընթացքի մեջ են։
«2000 չափաբաժին նվիրատվության ձևով տրվել է ՀՀ-ին, որը ներարկվել է ռիսկային խմբերի անձնանց։ Բնականաբար, դա շատ փոքր քանակ է։ Հիմա բանակցություններ են գնում նաև Ռուսաստանի հետ՝ իրենց պատվաստանյութը ձեռք բերելու համար։ Նաև միասնական հարթակի հետ կա պայմանավորվածություն, փոխանցվել է արդեն 800 մլն-ի չափ նախնական գումար, որպեսզի տրամադրեն պատվաստանյութ։ Հարթակում գրանցված է 3 պատվաստանյութ՝ Pfizer, AstraZeneca, Moderna։ Ռուսաստանի հետ ևս բանակցում են, Ռուսաստանը բանակցում է, որ իրենց պատվաստանյութը ևս գրանցվի հարթակում»,- հավելեց Զեյնալյանը՝ շեշտելով, որ պատվաստումների համար արդեն կան հերթագրվածներ։
Մանրամասները՝ տեսանյութում։
