30.06.2026 | 11:46
Վենեսուելայում երկրաշարժերի զոհերի թիվը գերազանցել է 1700-ը
Կուբաթլուում ադրբեջանցի զինծառայող է ինքնասպան եղել
Քաղաքականություն
06.04.2021 | 15:21
Ադրբեջանական լրատվամիջոցները, վկայակոչելով Զինվորական դատախազությանը, հայտնում են, որ մարտի 29-ին Ֆիզուլիի շրջանի դատախազություն տեղեկություն է ստացվել այն մասին, որ Պետական սահմանապահ ծառայության N զորամասի զինծառայող, շարքային Ալի Իսմայիլովն ինքնասպանություն է գործել՝ հրազենից ինքն իրեն կրակելով։
Ստացված տեղեկության հիման վրա դատախազության աշխատակիցները զննել են դեպքի վայրն ու մարմինը։ Դեպքի առթիվ հարուցվել է քրեական գործ, քննությունը շարունակվում է։
Նշենք, որ մի քանի օր է՝ սոցիալական ցանցերի ադրբեջանական տիրույթում ակտիվորեն քննարկվում է Իսմայիլովի մահը, որը, ըստ տարածված տեղեկության, Կուբաթլուի շրջանում է ծառայել, դեպքն այնտեղ է տեղի ունեցել։
Ավելի վաղ էլ Ադրբեջանի ՊՆ-ն հայտնել էր Քարվաճառում ու Մարտունու շրջանում ադրբեջանցի զինծառայողների մահվան մասին։
Էմմա Չոբանյան
