26.08.2026 | 10:55
Արարատ համայնքի տիրապետմանն է վերադարձվել Արարատ գյուղի զբոսայգում գտնվող հողատարածքը
ԱՄՆ-ը հրապարակել է ընդդեմ Թուրքիայի պաշտպանական արդյունաբերությանը կիրառված պատժամիջոցները
Քաղաքականություն
06.04.2021 | 14:30
ԱՄՆ երկուշաբթի ծանուցագիր է հրապարակել Թուրքիայի պաշտպանական արդյունաբերության տնօրինության դեմ սահմանված պատժամիջոցների մասին ՝ Թուրքիայի կողմից ռուսական С-400 զենիթահրթիռային համակարգերի (ԶՀՀ) ձեռք բերման պատճառով: ԱՄՆ Պետդեպարտամենտի համապատասխան ծանուցումը տեղադրված է, այսպես կոչված, դաշնային ռեգիստրում `ԱՄՆ կառավարության պաշտոնական փաստաթղթերի ռեեստրում, գրում է ՏԱՍՍ-ը:
Փաստաթղթից բխում է, որ սահմանափակող միջոցներ են կիրառվում ինչպես Թուրքիայի պաշտպանական արդյունաբերության վարչության, այնպես էլ դրա ղեկավար Իսմայիլ Դեմիրի, ինչպես նաև կազմակերպության ղեկավարության ևս երեք ներկայացուցիչների ՝ Մուստաֆա Ալփեր Դենիզի, Սերհաթ Գենչօղլուի և Ֆարուք Յիգիտի նկատմամբ: Այս բոլոր որոշումների մասին հայտարարվել է 2020 թվականի դեկտեմբերի 14-ին՝ դեռևս ԱՄՆ նախկին ղեկավար Դոնալդ Թրամփի վարչակազմի օրոք։ Նոր ծանուցագրում նշվում է, որ պատժամիջոցները սկսել են գործել 2020 թվականի դեկտեմբերի 14-ից։
Հավելենք, որ դեկտեմբերին կիրառված պատժամիջոցները ներառում էին Թուրքիայի պաշտպանական արդյունաբերության վարչության համար ԱՄՆ-ից արտահանման լիցենզիայի և թույլտվությունների արգելքը, ինչպես նաև ակտիվների սառեցումը և ցուցակում ներառված կազմակերպության ղեկավարների համար մուտքի արտոնագրերի սահմանափակումները:
Տաթև Ֆռանգյան
