Թուրքիան ակնհայտ ցույց էր տալիս, որ ունի թշնամական վերաբերմունք հայ ժողովրդի նկատմամբ. Մակունց. ՏԵՍԱՆՅՈՒԹ

Յուրաքանչյուր պաշտոնյայի կարևորագույն հանձնառություններից է անել առավելագույնը հզորացնելու պետությունը, պետականությունը՝ ազգային ինքության, պատմական հիշողության պահպանմամբ: Լրագրողների հետ զրույցում այս մաին ասաց «Իմ քայլը» խմբակցության ղեկավար Լիլիթ Մակունցը:

«Որևէ մեկի կողմից չի նշվել Թուրքիայի հետ բարեկամանալու մեկնաբանություն, նման բառ, մոտեցում չի հնչել»,- նշեց «Իմ քայլը» խմբակցության ղեկավարը:

Անդրադառնալով իշխանության ներկայացուցիչների կողմից հնչող հայտարարություններին, թե անհրաժեշտ է հայ-թուրքական հարաբերությունները վերանայել, Մակունցը նշեց. «Գոնե մինչև վերջերս Թուրքիան ակնհայտ ցուց է տվել, որ ունի ոչ բարեկամական կամ, եթե կուզեք, թշնամական վերաբերմունք Հայաստանի և հայ ժողովրդի նկատմամբ: Ես կարծում եմ, որ թեկուզ փոքր քայլերով Թուրքիայի մոտեցման վերանայումը կարող է հիմք հանդիսանալ նաև Հայաստանի համար՝ մտածելու հարաբերությունների հաստատման առնչությամբ:

Պետք է խորքային դիտարկենք յուրաքանչյուր հայտարարություն, չհնչեցնենք այնպիսի ձևակերպումներ, որոնք չկան ենթատեքստում: Այն հայտարարությունները, որոնք հնչում են, տարածաշրջանային վերաձևավորումների և տարածաշրջանային փոփոխությունների համատեքստում են, որոնք որպես պետական պաշտոնյաներ մենք պարտավոր ենք հաշվի առնել և կայացնել որոշումներ, դիրքավորվել կամ վերադիրքավորվել: Դա բոլորովին չի նշանակում այն մեկնաբանությունը, որը հնչեցվում է»:

Մանրամասները՝ տեսանյութում: