11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Մոսկվան ու Մինսկը կուժեղացնեն բելառուսա-լեհական սահմանի անվտանգությունը
Քաղաքականություն
02.04.2021 | 20:38
Ռուսաստանն ու Բելառուսը նախապատրաստում են սահմանների անվտանգության ծրագիր 2023-2027 թվականների համար, համաձայն որի՝ կամրապնդվի բելառուսա-լեհական սահմանի պաշտպանությունը: Այս մասին հայտարարել է Բելառուսի պետական սահմանային կոմիտեի ղեկավարի տեղակալ Սերգեյ Նովիկովը, գրում է «Կոմսոմոլսկայա պրավդան»։
«Ներկայում Բելառուսի և Ռուսաստանի սահմանային ծառայությունները համատեղ աշխատում են 2023-2027 թվականների ընթացքում սահմանային անվտանգության զարգացման նոր ծրագրի ձևավորման համար, որի շրջանակում նախատեսվում է ամրապնդել բելառուսա-լեհական սահմանի հատվածի պաշտպանության ուղղությամբ՝ ինժեներական պատնեշների կառուցման և վերակառուցման, ինչպես նաև առկա ազդանշանային համակարգերի արդիականացման, սահմանային ստորաբաժանումների հագեցվածության մակարդակի բարձրացման միջոցով»,- ասել է Նովիկովը:
Տաթև Ֆռանգյան
