17.03.2026 | 19:51
«Զանգեզուրի միջանցքի» օդային տարածքով թռիչքների մասին Ալիևի խոսքերը նոր չեն․ ո՞րն է կոնտեքստը. ՏԵՍԱՆՅՈՒԹ
Անգլիայի թագուհուն տեսած Արմեն Սարգսյանը կարող է լուրջ վերաբերվել պաշտոնին, դրա համար Սերժ Սարգսյանն ասում է՝ թևերը կտրեք. Նիկոլ Փաշինյան
Քաղաքականություն
08.02.2018 | 14:52
«Սահմանադրությունն ընդամենը Սերժ Սարգսյանի հագով կարված կոստյում է»,- Ազգային ժողովում «Անվտանգության խորհրդի կազմավորման և գործունեության մասին» օրենքի նախագծի քննարկմանն ասաց «Ելք» խմբակցության ղեկավար Նիկոլ Փաշինյանը:
«Ամեն օր իրկունը տանում, ասում են՝ շեֆ, հլա հագի կոստյումը, տենանք՝ ոնց ա: Ասում ա՝ դե էս վարատնիկի ծերը մի քիչ սուր ա, կարը կլոր կարեք»,- հեգնեց Փաշինյանը:
Պատգամավորն անդրադարձավ նաև ՀՀԿ-ի կողմից առաջադրված նախագահի թեկնածուին. «Բերել են՝ ժպտուն, պուպուշ, լավատեսորեն տրամադրված: Բայց Սերժ Սարգսյանը կարծում է, որ Անգլիայի թագուհուն տեսած Արմեն Սարգսյանը կարող է հանկարծ լուրջ վերաբերվել երկրի ղեկավարի իր պաշտոնին: Դրա համար ասում է՝ տղերք, թևերը կտրեք: Շուտով կասեն՝ դու Բաղրամյան 26-ում չես նստելու, քեզ մի հատ եվրոռեմոնտով կվարտիրա կտանք, նստի ու ժպտա: Իսկ այդ ընթացքում մենք կիրականացնենք ինստիտուցիոնալ լրջագույն բարեփոխումներ»,- նկատեց Փաշինյանը:
Մանրամասները՝ տեսանյութում:
