01.11.2024 | 14:29
Լավրովն Ուկրաինայում պատերազմի մեկնարկից ի վեր առաջին անգամ կայցելի ԵՄ անդամ երկիր
Գումարի ծախսման ուղղություններն ավելանում են սոցփաթեթի շահառուների համար, ոչ նրանց ընտանիքի անդամների․ ՏԵՍԱՆՅՈՒԹ
Հասարակություն
01.04.2021 | 16:47
«Գործող կարգավորումներում առաջարկվել է ավելացնել ևս երկու հնարավորություն սոցփաթեթից օգտվողների համար: Սոցփաթեթով նախատեսվում է յուրաքանչյուր շահառուի հատկացնել տարեկան 72 հազար դրամ:
Այդ գումարը շահառուները կարող են ծախսել 4 ուղղություններով՝ հանգստի ապահովում, հիփոթեքային վարկի մարում, ուսման վարձի մարում և առողջապահության լրացուցիչ ապահովագրություն:
Առաջարկվող փոփոխությամբ գումարի ծախսման ևս երկու ուղղություն է ավելացել սոցփաթեթից օգտվողների, ոչ թե նրանց ընտանիքի անդամների համար»,- այս մասին այսօր հրավիրված ասուլիսում նշեց ՀՀ աշխատանքի սոցիալական հարցերի նախարարության Աշխատանքի և զբաղվածության վարչության պետ Ժորա Սարգսյանը՝ պարզաբանում ներկայացնելով Կառավարության այսօրվա նիստում ընդունված «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում առաջարկվող փոփոխության առնչությամբ: Պարզաբանման անհրաժեշտությունն առաջացել է ՀՀ սոցցանցերում և մամուլում առաջացած թյուրըմբռնման պատճառով:
«Փոփոխությունը կարող է ուժի մեջ մտնել և գործել, երբ կընդունվի կառավարության համապատասխան որոշման նախագիծը, որով կհաստատվեն ընթացակարգերը:
Սոցփաթեթի շահառուները բարձրաստիճան պաշտոնյանները չեն: Շահառու են համարվում պետական համակարգի աշխատողները»,- նշեց Սարգսյանը:
Մանրամասները՝ տեսանյութում:
