19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Թուրքիան վերսկսել է սադրանքները․ չորս F-16 կործանիչներ են թռել հունական կղզիների վրայով
Քաղաքականություն
31.03.2021 | 19:02
Թուրքական F-16 կործանիչներն այսօր Էգեյան ծովի կողմից թռել են Հունաստանի Մակրոնիսի ու Անտրոպոֆագոյ կղզիների վրայում։ Այս մասին հայտնել են Հունաստանի Զինված ուժերի Գլխավոր շտաբից, գրում է Greek city times-ը։
Թռիչքները գրանցվել են տեղի ժամանակով ժամը 11։29-ին։ Հունաստանի ռազմական գերատեսչության տվյալների համաձայն՝ մեկ րոպե անց նույն կղզիների ուղղությամբ թռչել են ևս մեկ զույգ F-16-եր։
Հավելենք, որ չի պարզաբանվում՝ արդյո՞ք Հունաստանի ավիացիան օդ է բարձրացվել թուրքական կործանիչների հետքերով։
Լրատվականը նշում է, որ Թուրքիայի կողմից այս սադրանքը հաջորդել է երկրի արտգործնախարար Նիկոս Դենդիասի քննադատությանն՝ ուղղված Թուրքիայի դեսպանին սուտ տեղեկություններ տարածելու համար, թե իբրև Հունաստանում վատ են վերաբերում փոքրամասնություններին ու շարունակում են սադրել Թուրքիային։
Տաթև Ֆռանգյան
