07.10.2026 | 23:48
Արթուր Դանիելյանը կալանավորվեց
Գելխեղդները պետք է լինեն ժողովրդի իշխանությունը տեղ հասցնողները. Հովիկ Աղազարյան․ ՏԵՍԱՆՅՈՒԹ
Քաղաքականություն
31.03.2021 | 18:01
Ակնկալում եմ, որ մեր քաղաքական ուժը մոտավորապես 50-55 տոկոս ձայն կստանա և կրկին քաղաքական մեծամասնություն կկազմի խորհրդարանում: Այս մասին Factor.am-ի հետ զրույցում նշեց «Իմ քայլը» խմբակցության պատգամավոր Հովիկ Աղազարյանը՝ հավելելով, որ այս գնահատականը հիմնված է ընտրողների հետ իրենց շփումների ժամանակ հնչած գնահատականների վրա:
Անդրադառնալով դիտարկմանը, որ Նիկոլ Փաշինյանը մարզային այցերի ժամանակ նշել է, որ այս ընտրությունները լինելու են գելխեղդների հաղթանակը գելերի նկատմամբ, և հարցին, թե ովքեր են գելխեղդները, ու ովքեր են գայլերը, Աղազարյանը նշեց. «Պարոն Փաշինյանը միշտ էլ իր մտքերն արտահայտելու օրիգինալ ձևեր ունի և համեմատություններ է անում, շատերը ուղիղ իմաստով են դա հասկանում և ոչ թե իրական բովանդակությունը: Այս պարագայում նրանք, ովքեր արդար, թափանցիկ, անկաշառ ընտրություններում կհաղթեն և կլինեն ժողովրդի իրական իշխանությունը տեղ հասցնող ուժերը և անհատները, նրանք կլինեն գելխեղդները, իսկ գայլերն էլ նրանք կլինեն, ովքեր ցանկանում են այս դժվար իրողություններն օգտագործել և դրանք ծառայեցնել իրենց նպատակներին՝ շատ դեպքերում կասկածի տակ դնելով նույնիսկ ժողովրդի կողմից իշխանությունը ձևավորելու հիմնարար սկզբունքը»:
Մանրամասները՝ տեսանյութում:
