14.11.2026 | 15:36
Դավիթ Թադևոսյանը ԱՄՆ պաշտոնյաների հետ քննարկել է TRIPP-ն ու տեխնոլոգիական համագործակցությունը
«Եթե երեխեքը մնային իրենց դիրքերում, իրենց մազը չէր ծռվի, հիմա իմ երեխան ողջ կլիներ». ՏԵՍԱՆՅՈՒԹ
Հասարակություն
31.03.2021 | 16:36
2020թ. 44-օրյա պատերազմում զոհված Արտյոմ Կիրակոսյանի հայրը՝ Արթուր Կիրակոսյանը համոզված է, որ զինվորական Գոռ Իշխանյանը զինվորներին հրաման է տվել՝ ստելով, թե նրանց տանում են պահեստ, բայց դիտավորյալ տարել են ու սպանել։ Այս մասին այսօր լրագրողների հետ զրույցում ասաց Արթուրը՝ պնդելով, որ եթե զինվորները մնային իրենց դիրքերում, ապա նրանց կյանքին վտանգ չէր սպառնա։
«Ես վկա ունեմ, ով լսել է Գոռ Իշխանյանի հրամանը, նա ռացիայով հրաման է տվել, խաբել, թե տանում են պահեստ…
Եթե երեխեքը մնային իրենց դիրքերում, իրենց մազը չէր ծռվի, հիմա իմ երեխան ողջ կլիներ:
Կարծում եմ՝ սա անգրագիտության արդյունք է եղել կամ էլ նա հոգեկան խանգարում ուներ։ Մենք հետախույզ, դատապաշտպան ենք դարձել, ինչո՞ւ ես պիտի 53 օր ման գայի իմ երեխուն ու անընդհատ խաբեին մեզ։ Պաշտպանության նախարարություն գոյություն չունի, այնտեղ հավաքվածները ոնց որ դարմայեդների հավաքածու լինեն»,-ասաց զոհվածի հայրը։
Արթուր Կիրակոսյանի որդին մեկ ամսվա ժամկետային զինծառայող է եղել։ Վերջին անգամ որդու հետ նա խոսել է հոկտեմբերի 9-ին, իսկ երկու օր անց՝ հոկտեմբերի 11-ին եղել է հրամանը։
Մանրամասները՝ տեսանյութում:
