17.09.2026 | 13:36
Մեղրիի քաղաքապետը, լինելով ՔՊ-ական, ժողովրդի հանքից թալան ա անում, բա էդ հարցը տվեք․ Վարդևանյան․ ՏԵՍԱՆՅՈՒԹ
Չի կարելի մեկ անձին այդքան լկտիորեն խոշտանգել․ բժիշկները Նավալնիին այցելելու կոչով բաց նամակով են հրապարակել
Քաղաքականություն
31.03.2021 | 18:13
Ավելի քան 1000 ռուս բժիշկ կոչ է արել Ալեքսեյ Նավալնիին բուժող բժշկին թույլ տալ այցելել նրան։ DW ռուսական ծառայությունը խոսել է նամակի հեղինակների հետ։
Ի աջակցություն Ալեքսեյ Նավալնիի՝ բաց նամակը հայտնվել է մարտի 29-ին ու բառացիորեն մի քանի օրում հավաքել է ավելի քան 1000 ստորագրություն։ Այս թիվը DW-ի հետ զրույցում հայտնել է հայտնի ծաղրանկարիչ ու նախկին հոգեբույժ Անդրեյ Բիլժոն։
Նամակում բժիշկները մտահոգություն են հայտնում, որ Քրեակատարողական ծառայության դաշնային ծառայության ղեկավարությունը և այն գաղութը, որտեղ գտնվում է ընդդիմադիրը, թույլ չեն տալիս քաղաքացիական բժշկին տեսնել նրան:
Նամակի հեղինակները ենթադրում են, որ Նավալնիի առողջության վատթարացումը կարող է կապված լինել կամ թունավորումից հետո առաջացած բարդության կամ թերի վերականգնման ֆոնին զարգացած ինչ-որ նոր հիվանդության հետ:
«Ես չգիտեմ մեկ այլ մարդու, ով անցել է այս սարսափելի ճանապարհը. թունավորումից մինչև Ռուսաստան վերադարձ, որտեղ նա բանտարկվեց: Պատմելով՝ սա նմանվում է գրական ստեղծագործության, բայց սա կյանք է, և դա տեղի է ունենում մեր քթի տակ: Կարծում եմ, որ չի կարելի մեկ անձին այդքան լկտիորեն խոշտանգել բոլորի աչքի առաջ», – DW- ին բացատրել է բաց նամակի հեղինակ և նախաձեռնող Անդրեյ Բիլժոն:
