30.06.2026 | 14:28
Մոսկովյան պուրակը կբարեկարգվի. նվեր Երևանին` IDBank-ի 35-ամյակի առթիվ
Թող ԱԱԾ-ն քննի զինվորների գործերը, ի՞նչ է պատահել, ծնողները կորցրել են իրենց ամենաթանկը. Թովմասյան. ՏԵՍԱՆՅՈՒԹ
Քաղաքականություն
31.03.2021 | 16:28
Զոհված և անհետ կորած զինծառայողների ծնողները դիմել են ինձ և խնդրում են, որ իրենց որդիների մասով հարուցված քրեական գործը ԱԱԾ-ն քննի: Այս մասին, այսօր՝ մարտի 31-ին, ԱԺ-ում լրագրողների հետ զրույցում նշեց ԱԺ պատգամավոր Թագուհի Թովմասյանը:
«Զինվորներ կային, որ ընդհանրապես պետք է առաջնագիծ չգնային: Մեկ ամսվա զինվորին տարել են առաջնագիծ: Այնպիսի բաներ են տեղի ունեցել, որոնք քրեաիրավական բնույթի կասկածներ են առաջացնում: Պատերազմից անցել է 4 ամիս, բայց մենք անընդհատ այս վերքը թողնում ենք բաց, այս ցավը բորբոքում ենք: Եթե այս մարդիկ քննչական ծառայություններից դժգոհ են, կարելի է ընդառաջել, թող ԱԱԾ-ն քննի, ի՞նչ է պատահել: Իրենց պահանջն է, որ անպայման ԱԱԾ-ն քննի և հրամանատարների մասով կոնկրետ քննություն տեղի ունենա»,- ասաց պատգամավորը:
Պատգամավորը նշեց, որ հանդիպմանը մասնակցել են Հադրութի Վանք գյուղում շրջափակման մեջ հայտնված 50 հոգու ծնողները և Մարտունի 2-ի 76 զինծառայողների ծնողները:
Մանրամասները՝ տեսանյութում:
