29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Ադրբեջանցիները հայ գյուղացիներին ասել են` եթե հենց հիմա չհեռանաք, դրոն կուղարկենք` ձեզ ոչնչացնի. Թաթոյան. ՏԵՍԱՆՅՈՒԹ
Հասարակություն
31.03.2021 | 13:06
Այսօր որևէ սահմանազատման, դեմարկացիայի և դելիմիտացիայի մասին խոսք լինել չի կարող: Սահմանազատման հիմքում նույնպես մարդու իրավունքների երաշխիքներն են, նախապես ուսումնասիրություններ պետք է արվեն, թե քաղաքացիներից ով ինչ վնաս կարող է կրել դրա հետևանքով: Սահմանազատման պրոցեսները տևում են տարիներ, կազմվում է հանձնաժողով: Այս մասին այսօր հրավիրված ասուլիսում նշեց ՀՀ Մարդու իրավունքների պաշտպան Արման Թաթոյանը:
«Ադրբեջանցիների Սյունիքի սահմաններին հայտնվելն իրավական տիտղոս չունի, որովհետև նրանք այնտեղ են հասել պատերազմի սպառնալիքի և ուժի գործադրման հետևանքով: Ադրբեջանցիները հայ գյուղացիներին, օրինակ Արավուս գյուղի բնակիչներին ասել էին՝ եթե չհեռանաք, դրոն կուղարկենք, ամբողջ գյուղը կոչնչացնի: Սա նշանակում է, որ նրանց հայտնվելը և շարունակական գոյությունն այնտեղ ապօրին է և վտանգում է ՀՀ քաղաքացու անվտանգությունը:
Մենք առաջ ենք քաշել անվտանգության գոտու գաղափարը, նրանք այդտեղից պետք է հեռանան՝ իրենց ցուցանակներով ու զինվորներով հանդերձ, մեր զորքերը նունպես պետք է տեղաշարժվեն այնտեղից, որպեսզի անվտանգության գոտին լիարժեք հասանելի լինի ՀՀ քաղաքացիների համար»,- նշեց Թաթոյանը:
Մանրամասները՝ տեսանյութում:
