19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Արցախի գրավյալ տարածքներում ադրբեջանցի զինծառայող է մահացել
Քաղաքականություն
31.03.2021 | 12:16
Ադրբեջանի ՊՆ-ն հայտնել է, որ մարտի 30-ին Մարտունու շրջանում ենթասպա Հեյդար Ռովշան օղլու Ալիևը խեղդվել է լճում։ Դեպքը տեղի է ունեցել ոչ ծառայողական ժամին։ Կատարվում է հետաքննություն։
Համացանցի ադրբեջանական տիրույթում տարածված տեղեկություններով՝ Ալիևը հետախուզական գումարտակի հրամատար էր, մասնակցել էր Արցախյան երկրորդ պատերազմին։
Բացի այդ, սոցցանցերում լուրեր են տարածվում Կուբաթլուում ևս մեկ զինծառայողի մահվան վերաբերյալ։ Ադրբեջանի ՊՆ-ն, սակայն, դեռևս չի հաստատել սա։
Հիշեցնենք՝ նախօրեին էլ ադրբեջանական ՊՆ-ն հայտնել էր Քարվաճառում զինծառայողի մահվան մասին։
Էմմա Չոբանյան
