15.12.2024 | 10:40
Վրաստանի կողմից Բավրայի անցակետը փակ է կցորդիչով բեռնատարների համար
ԱՄՆ Պետդեպը՝ ՌԴ-ում մարդու իրավունքների զգալի ոտնահարումների մասին
Քաղաքականություն
31.03.2021 | 13:34
2020 թվականին Ռուսաստանում մարդու իրավունքների զգալի խախտումներ են գրանցվել մի շարք ոլորտներում: Այս մասին ասված է աշխարհում մարդու իրավունքների վիճակի մասին զեկույցում, որը ԱՄՆ Պետքարտուղարությունը հրապարակել է մարտի 30-ին:
Փաստաթուղթում նշվում է, որ Ռուսաստանում բացակայում են անկախ և արդար դատական համակարգը, ազատ ընտրությունները, ինչպես նաև շեշտվում է Ռուսաստանի Դաշնությունում «խոսքի և լրատվամիջոցների ազատության կոշտ ճնշումների» մասին:
Զեկույցի հատուկ մասում նշվում է, որ 2020 թվականին Ռուսաստանում սպանության ու սպանության փորձի մի քանի դեպքեր են գրանցվել, որոնք իրականացվել են իշխանությունների կամ նրանց գործակալների իմացությամբ։ Որպես նման դեպքի օրինակ է բերվում Ալեքսեյ Նավալնիի պատմությունը, որը թունավորվել էր «Նովիչոկ» տեսակի թույնով։ Նշվում է, որ չնայած ընդդիմադրի պահանջին՝ հետաքննել այս հանցագործությունը, ՌԴ իշխանությունները հայտարարել են, որ քրեական գործ հարուցելու հիմք չկա»։
Ամերիկացի փորձագետները քննադատում են նաև Չեչնիայում մարդու իրավունքների հետ կապված իրավիճակը, նշվում է, որ 2020 թվականին այնտեղ արտադատական մահապատիժներ ու մահափորձեր են իրականացվել։
Բացի այդ՝ նշվում է, որ Ռուսաստանի կողմից Ղրիմի բռնակցման հետևանքով այս տարածաշրջանում ևս բացասական է եղել մարդու իրավունքների պաշտպանության հետ կապված իրավիճակը։
