01.03.2026 | 19:26
Իրանական անօդաչու թռչող սարքերը հարվածել են Ֆրանսիայի ռազմական բազային Աբու Դաբիում
Ֆրանսիան, Գերմանիան և ՌԴ-ն մտադիր են համակարգել ջանքերը՝ Իրանի միջուկային ծրագրի շուրջ երկխոսությունը վերականգնելու համար
Քաղաքականություն
31.03.2021 | 14:22
Ֆրանսիան, Գերմանիան և Ռուսաստանը մտադիր են համակարգել ջանքերը՝ Իրանի միջուկային ծրագրի շուրջ երկխոսությունը վերականգնելու և Թեհրանի՝ Համատեղ գործողությունների համապարփակ ծրագրի պայմանների կատարմանը շուտափույթ վերադառնալու համար: Այս մասին երեքշաբթի երեկոյան կայացած տեսակոնֆերանսի ընթացքում պայմանավորվել են Ֆրանսիայի, Գերմանիայի և Ռուսաստանի ղեկավարները, հայտնում է Ելիսեյան պալատը:
«Համաձայն իրանական միջուկային թղթապանակի՝ Հանրապետության նախագահ Էմանուել Մակրոնը, Գերմանիայի Դաշնային Հանրապետություն կանցլեր Անգելա Մերկելը և Ռուսաստանի նախագահ Վլադիմիր Պուտինը պայմանավորվել են համակարգել ջանքերը՝ երկխոսություն հաստատելու համար, և որպեսզի Իրանը որքան հնարավոր է շուտ վերադառնա իր պարտավորությունների կատարմանը»,- ասված է Ելիսեյան պալատի տարածած հայտարարության մեջ։
Լիբիայում իրավիճակը քննարկելիս Մակրոնը և Մերկելը կոչ են արել բոլոր կողմերին՝ ներառյալ Ռուսաստանին, «ամեն ջանք գործադրել ներկայիս անցումային գործընթացին նպաստելու համար»՝ անվտանգության ոլորտում իրավիճակը բարելավելու նպատակով:
Ֆրանսիայի և Գերմանիայի ղեկավարները մտահոգություն են հայտնել Սիրիայում հումանիտար իրավիճակի կապակցությամբ: Նրանք անհրաժեշտ են համարում «շարունակել կարիքավոր բնակչությանը մարդասիրական օգնության անդրսահմանային մատակարարումները» և աջակցել Սիրիայի սահմանադրական կոմիտեի աշխատանքներին:
Տաթև Ֆռանգյան
