11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Իրանը չի գնա ուրանի հարստացման նվազեցման, քանի դեռ ԱՄՆ-ն չի չեղարկել պատժամիջոցները
Քաղաքականություն
30.03.2021 | 17:52
Իրանի իշխանությունները չեն գնա ուրանի հարստացման՝ մինչև 20%-ի նվազեցման, քանի դեռ ԱՄՆ-ն չի չեղարկել Թեհրանի դեմ կիրառված պատժամիջոցները։ Այս մասին հայտնում է Press TV հեռուստաալիքը՝ հղում կատարելով անանուն բարձրաստիճան իրանցի պաշտոնյայի։
«20 տոկոսանոց հարստացված ուրանը համապատասխանում է միջուկային գործարքի 36-րդ կետին, և կդադարեցվի միայն այն դեպքում, եթե ԱՄՆ-ն չեղարկի բոլոր պատժամիջոցները»,- նրա խոսքն է մեջբերում հեռուստաալիքը։
Պաշտոնյան հավելել է, որ «ԱՄՆ նախագահ Ջո Բայդենի վարչակազմն իզուր ժամանակ է կորցնում»։
«Եթե նրանք մոտ ժամանակներս չչեղարկեն պատժամիջոցները, ապա Իրանը հաջորդ քայլերը կձեռնարկի, որոնք կնշանակեն միջուկային գործարքի շրջանակներում Իրանի պարտավորությունների կրճատում»,- նշել է նա։
Երկուշաբթի Politico-ն գրել էր, որ ԱՄՆ իշխանությունները պատրաստվում են այս շաբաթվա ընթացքում Իրանի իշխանություններին նոր լուծման տարբերակներ առաջարկել Համատեղ համապարփակ գործողությունների պլանի շուրջ։
Տաթև Ֆռանգյան
