18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Բայդենի ու Էրդողանի՝ երկար սպասված հեռախոսազրուցը կարող է տեղի ունենալ այս շաբաթ
Քաղաքականություն
29.03.2021 | 20:45
ԱՄՆ նախագահ Ջո Բայդենը կարող է խոսել Թուրքիայի նախագահ Ռեջեփ Թայիփ Էրդողանի հետ արդեն այս շաբաթ՝ վերջ տալով Սպիտակ տան՝ ամիսներ շարունակ տևած լռությունը։ Այս մասին գրում է Ahval-ը։
Վաշինգտոնի աղբյուրները լրատվամիջոցին հայտնել են, որ Սպիտակ տան պաշտոնյաներն ասել են թուրք դիվանագետներին՝ հավանականության կա, որ Բայդենը կզանգահարի Էրդողանին, քանի որ արդեն հեռախոսազրույց է ունեցել Հունաստանի վարչապետ Կիրիակոս Միցոտակիսի հետ։ Նա Միցոտակիսի հետ խոսել է մարտի 25-ին՝ Օսմանյան կայսրությունից Հունաստանի անկախացման 200-ամյակի առթիվ։
Տասնամյակներով դիվանագիտական ավանդույթ կա, որ ԱՄՆ նորընտիր նախագահները Թուրքիայի ու Հունաստանի նկատմամբ քայլերը միաժամանակ են անում։ Աղբյուրը Ahval-ին պատմել է, որ երբ պարզվել է՝ Բայդենն առաջինը զանգահարելու է Միցոտակիսին, թուրք պաշտոնյաները սկսել են խրախուսել Սպիտակ տանը՝ զանգահարել նաև Էրդողանին։
Նշենք նաև, որ ԱՄՆ նախագահ Ջո Բայդենը տարբեր երկրների ղեկավարների հրավիրել է մասնակցելու Կլիմայի փոփոխության հարցերով վիրտուալ գագաթնաժողովին, այդ թվում՝ Թուրքիայի նախագահ Ռեջեփ Թայիփ Էրդողանին։ Գագաթնաժողովը տեղի կունենա ապրիլի 22-23-ը։
Հետաքրքիր է, որ թուրք-ամերիկյան հարաբերությունների այս ակտիվացումը տեղի է ունենում ապրիլի 24-ի նախաշեմին, երբ բազմաթիվ աղբյուրներ տեղեկություններ են տարածում, որ Բայդենը մտադիր է ճանաչել Հայոց ցեղասպանությունը։
Էմմա Չոբանյան
