11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Ցավոք՝ 3 տարվա մեջ առաջին անգամ Օնիկ Գասպարյանի գործով էի ԳՇ-ում, ո՛չ իմ մեղքով․ նախագահ․ ՏԵՍԱՆՅՈՒԹ
Քաղաքականություն
29.03.2021 | 17:57
«Նախ և առաջ, եթե երկու կողմից թեժ քննադատության է արժանացել՝ ուրախ եմ: Հետևաբար, ես, հավանաբար, ճիշտ որոշում եմ ընդունել»,- հայտարարել է նախագահ Արմեն Սարգսյանը՝ aravot.am-ին տված հարցազրույցում անդրադառնալով ԳՇ նախկին պետ Օնիկ Գասպարյանի պաշտոնանկության պատմությանը:
Հիշեցնենք, նախագահը երկու անգամ չէր ստորագրել Օնիկ Գասպարյանին ԳՇ պետի պաշտոնից ազատելու՝ ՀՀ վարչապետի միջնորդությունը, որից հետո Սահմանադրության համաձայն Գասպարյանի լիազորությունները դադարել էին իրավունքի ուժով:
«Երբ վարչապետի առաջարկությունը եկավ՝ Օնիկ Գասպարյանին ազատել աշխատանքից, ակնկալիքն այն էր, որ Հանրապետության նախագահը պետք է ստորագրի: Սակայն, քանի որ այս ամբողջը տեղի էր ունեցել Գլխավոր շտաբի ղեկավարի և իր գործընկերների հայտարարությունից հետո, բնական է, իմ առաջին քայլը հետևյալն էր՝ ես որևէ փաստաթուղթ չեմ ստորագրի, մինչև մարդկանց հետ չհանդիպեմ:
Գնացի Գլխավոր շտաբ, հանդիպեցի Օնիկ Գասպարյանի հետ, հետո գեներալների հետ առանձին հանդիպեցի, բավականին երկար տևեց՝ մի քանի ժամ: Չեմ կարծում, թե էթիկայի տեսակետից ճիշտ է, որ Ձեզ փոխանցեմ՝ ինչ ենք խոսել Օնիկ Գասպարյանի հետ: Դրանից հետո նորից հանդիպել ենք Օնիկ Գասպարյանի և նաև գեներալների հետ: Ընդհանուր տպավորությունը կարող եմ փոխանցել. նախ և առաջ ինձ համար հստակ էր, որ ո՛չ Օնիկ Գասպարյանը, ո՛չ Գլխավոր շտաբի գեներալները չեն պատրաստվում ուրիշ քայլ անել, բացի իրենց հայտարարությունից: Սա իրենք հայտարարում էին, և իրենց ելույթներում էլ ինձ համար շատ հստակ էր… Նրանք ասում էին բաներ, որոնց մասին ես գիտեի, բանակի վիճակի մասին որոշ բաներ նորություն էին ինձ համար: Ցավալի վիճակ էր ինձ համար, քանի որ իմ նախագահության 3 տարիների ընթացքում առաջին անգամ էի Գլխավոր շտաբում՝ և ոչ իմ մեղքով:
Այդ հանդիպումից և իրավաբան գործընկերների հետ խորհրդակցելուց հետո իմ եզրակացություն հետևյալն էր, որ առերևույթ սահմանադրական խնդիր, և ես հստակ որոշեցի, որ չեմ ստորագրի… Խնդիրը տեղափոխվեց ՍԴ»:
Մանրամասները՝ տեսանյութում:
