24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Գագիկ Ծառուկյանը կհանդիպի՞ Արմեն Սարգսյանին
Քաղաքականություն
07.02.2018 | 15:17
Առաջիկա օրերին «Ծառուկյան» խմբակցությունը կհանդիպի ՀՀԿ-ի ներկայացրած նախագահի թեկնածու Արմեն Սարգսյանի հետ: Այս մասին խորհրդարանում լրագրողների հետ զրույցում ասաց «Ծառուկյան» խմբակցության պատգամավոր Իվետա Տոնոյանը:
«Ինչ վերաբերում է հարցին՝ պարոն Ծառուկյանը մասնակցելո՞ւ է նախագահի թեկնածու Արմեն Սարգսյանի հետ հանդիպմանը, թե չի մասնակցելու, ապա բոլորին կհորդորեմ թույլ տալ, որ ինքներս որոշենք դա»,- ասաց Իվետա Տոնոյանը:
Նշենք, որ մամուլը գրել էր, թե Գագիկ Ծառուկյանը երկու օր առաջ «կանյաչնիում» հավաքել է իր ֆրակցիայի անդամներին` քննարկելու դաշինքի և նրա անդամների մոտեցումներն ապագա նախագահի պաշտոնում Արմեն Սարգսյանի թեկնածության առաջադրման առնչությամբ:
Տոնոյանն ասաց՝ իրենց խմբակցության պատգամավորները բազմաթիվ հարցեր ունեն՝ ուղղված Արմեն Սարգսյանին, և նրանցից որևէ մեկը կաշկանդված չէ իրեն հուզող հարցերը թեկնածուին ուղղելու: Իվետա Տոնոյանը վստահեցրեց, որ «Ծառուկյան» խմբակցությունը Արմեն Սարգսյանի թեկնածության առնչությամբ դեռևս բովանդակային քննարկում չի ունեցել:
Շողիկ Գալստյան
