29.10.2026 | 16:36
Լևոն Քոչարյանը Ռոբերտ Քոչարյանի պես վախկոտ ա․ Վահագն Ալեքսանյան․ ՏԵՍԱՆՅՈՒԹ
Ռուս զինծառայողների այցը մշտական է. Տավուշի շրջանների հանձնումը բացառում եմ. մարզպետ. ՏԵՍԱՆՅՈՒԹ
Քաղաքականություն
26.03.2021 | 12:50
Տավուշի սահմաններին հանգիստ է, չկա որևէ քննարկում սահմանային փոփոխության վերաբերյալ: Այս մասին լրագրողների հետ ճեպազրույցում ասաց Տավուշի մարզպետ Հայկ Չոբանյանը:
«Ինչ վերաբերում է ռուս զինծառայողների այցելությանը Տավուշի մարզ, դա կապված է եղել ՊՆ և ԳՇ գործառույթների և պարտականությունների կատարման հետ»,- նշեց մարզպետը՝ հորդորելով այդ թեմայով լրացուցիչ հարցերն, մասնավորապես հարցին՝ նրանք ռուս զինվորներ են թե խաղաղապահներ, դիմել ՊՆ-ին և ԳՇ-ին:
«Մենք պատերազմական երկիր ենք, և կան հարցեր, որոնք քննարկման ենթակա չեն, թող պատասխանատու գերատեսչությունը որոշի՝ տեղեկություն տալ թե ոչ»,- ասաց մարզպետը՝ հավելելով, որ այս պահին մարզում չկան ռուս զինծառայողներ:
«Բացառում են Տավուշի մարզից տարածք հանձնելու որևէ գործընթաց, գոնե այնքան ժամանակ, քանի դեռ ես ապրում եմ այս երկրում, և ես եմ այդ մարզի պատասխանատուն, և եթե որևէ վտանգ լինի Տավուշի սահմանին, ես առաջինը կլինեմ, որ կկանգնեմ սահմանում՝ վտանգը չեզոքացնելու: Հայ ժողովրդի համար այս թեման պետք է փակ լինի, քննարկման առարկա չդառնա, մեր մոտեցումներով չպետք է թշնամու ջրաղացին ջուր լցնել»,- ընդգծեց մարզպետը:
Մանրամասները՝ տեսանյութում:
