29.10.2026 | 23:14
Քննարկվել են Հայաստան-Հնդկաստան առևտրատնտեսական և ներդրումային համագործակցության զարգացման հեռանկարները
Հայաստանի հավաքականի հաղթական մեկնարկը՝ ԱԱ-2022-ի ընտրական փուլում
26.03.2021 | 02:12
2022 թվականի ֆուտբոլի աշխարհի առաջնության ընտրական փուլի մեկնարկային խաղում Հայաստանի հավաքականը դժվարին հաղթանակ տարավ՝ Լիխտենշտեյնի հավաքականի նկատմամբ առավելության հասնելով նվազագույն հաշվով։
J խմբի առաջին խաղում հանդիպման մեկնարկից Հայաստանի հավաքականի շարունակական գրոհներն արդյունք չտվեցին։ Այսպիսով, առաջին խաղակեսն ավարտվեց գոլազուրկ՝ 0-0 հաշվով։
Երկրորդ խաղակեսում նույնպես Հայաստանն ամեն կերպ ձգտում էր գոլի, սակայն հավաքականի տղաները չէին կարողանում եզրափակել գրոհները։ Արդյունքում, խաղավարտին մոտ՝ 83-րդ րոպեին Տիգրան Բարսեղյանի խաղարկած տուգանայինի արդյունքում ինքնագոլի հեղինակ դարձավ Լիխտենշտեյնի խաղացող Նոա Ֆրոմելտը։ Խաղը ավարտվեց 0-1 հաշվով։
J խմբի մյուս խաղերում Գերմանիան 3-0 հաշվով հաղթեց Իսլանդիային, իսկ Ռումինիան 3-2 հաշվով՝ Հյուսիսային Մակեդոնիային։
Հակոբ Քելեշյան
