15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ԵՐԵՎԱՆԻ ԺԱՄԱՆԱԿՈՎ․ Ծառուկյանը դուրս եկավ, պահանջեց վարչապետի հրաժարականը, հետո համաձայնության եկավ նրա հետ․ Ռոբերտ Հակոբյան․ ՏԵՍԱՆՅՈՒԹ
Քաղաքականություն
24.03.2021 | 21:02
«Չեմ կարողանում մարսել պատերազմական 44 օրվա ընթացքում տեղի ունեցածը, հույս ունեի, որ մարդիկ ցույց կտան՝ ինչ բան է պատիվը, ինքնասիրությունն ու արժանապատվությունը, բայց պարզվում է՝ այդ ամենն արժեզրկվել է։ Առաջին հերթին նկատի ունեմ քաղաքական գործիչներին»,- Factor.am-ի հետ զրույցում նման տեսակետ է հայտնում դերասան, ՀՀ վաստակավոր արտիստ Ռոբերտ Հակոբյանը։
Նա այն համոզման է, որ ՀՀ վարչապետ Նիկոլ Փաշինյանը պատերազմի ելքից հետո այլևս չպետք է պաշտոնավարեր․ «Նա, ով ստորագրում է կապիտուլյացիա, տանուլ է տալիս պատերազմում, իրեն համարում է կատարվածի գլխավոր պատասխանատու, ամենաքիչը պետք է հրաժարական տար և մեղա գար»։
Դերասանը չի համակրում նաև Ազգային Ժողովում ներկայացված ընդդիմադիր ուժերին։
«Ծառուկյանը դուրս եկավ, պահանջեց վարչապետի հրաժարականը, հետո պարզվեց, որ այդ խոսքերն արժեք չունեն․ համաձայնության եկավ նրա հետ։ Նրանք, ովքեր պահանջում էին վարչապետի հրաժարականը, այսօր նրա ձեռքն են սեղմում, համագործակցում են»,- ասում է նա։
Ռոբերտ Հակոբյանն անդրադառնում է նաև ԶՈւ ԳՇ նախկին պետ Օնիկ Գասպարյանի հետ կապված վերջին զարգացումներին․ «Ոմանք ասում էին՝ շնորհակալություն Օնիկ Գասպարյանին առկա խնդիրների մասին բարձրաձայնելու համար․․․ Կներեք, ի՞նչ շնորհակալություն Օնիկ Գասպարյանին, նա այդ ամենը պետք է աներ պատերազմի չորրորդ օրը։ Լինելով ԳՇ պետ՝ նա այդպես էլ պատասխանատվություն չստանձնեց կատարվածի համար»։
Հարցազրույցն ամբողջությամբ՝ տեսանյութում։
Աննա Բաբաջանյան
