15.11.2024 | 14:25
Լիբանանում կրակ են բացել ՄԱԿ-ի խաղաղապահների ուղղությամբ
Թուրքիան պաշտոնապես միջամտում է Հայոց պատրիարքի ընտրության գործընթացին
Քաղաքականություն
06.02.2018 | 20:04
Ստամբուլի նահանգապետարանը փետրվարի 5-ին նամակ է ուղարկել Պոլսի հայոց պատրիարքարան՝ հայտնելով, որ Գարեգին արքեպիսկոպոս Բեքչյանին չի ճանաչում որպես Հայոց պատրիարքի տեղապահ. փոխանցում է EH-ն:
«Ակօս» շաբաթաթերթը տեղեկացնում է, որ նույն նամակով նահանգապետարանը հայտարարել է, որ շարունակում է ճանաչել Արամ արքեպիսկոպոս Աթեշյանին որպես ընդհանուր պատրիարքական փոխանորդ:
Փոխնահանգապետ Իսմայիլ Գյուլթեքինի ստորագրությամբ նամակում նշվում է, որ Պոլսի հայոց պատրիարք Մեսրոպ Մութաֆյանը ողջ է, ուստի նոր պատրիարքի ընտրության համար անհարժեշտ պահը չի հասունացել: Նահանգապետարանը պնդել է, որ առողջական խնդիրները պատրիարքական աթոռը թափուր համարելու պատճառների շարքում չեն:
Նահանագապետարանը հայատարարել է, որ Բեքչյանի պատրիարքի տեղապահ ընտրվելու ամբողջ գործընթացը, ինչպես նաև այդ պաշտոնում նրա ընդունած բոլոր որոշումները անվավեր է համարում:
Հիշեցնենք, որ հայ համայնքի հիմնադրամների ղեկավարները հրավիրվել են նահանգապետարան խորհրդակցական ժողովի, որը տեղի կունենա փետրվարի 7-ին: Իսկ դրան նախորդել էր պատրիարքի ընտրությունները համակարգող Ներկայացուցչական մարմնի դատական հայցն ընդդեմ Թուրքիայի ներքին գործերի նախարարության, քանի որ պատրաիարքիանի կողմից ընտրությունների վերաբերյալ դիմումները պատկան մարմիններն անպատասխան էին թողել:
