18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Բայդենը կոչ է անում խստացնել զենքի վերահսկումը ԱՄՆ-ում
Քաղաքականություն
23.03.2021 | 23:05
ԱՄՆ նախագահ Ջո Բայդենը կոչ է արել Կոնգրեսին աշխատել հրազենի վերահսկման օրենսդրությունը խստացնելու ուղղությամբ: Նա այս մասին հեռուստատեսային ուղերձում, վերջին մեկ շաբաթվա ընթացքում Ամերիկայում զանգվածային հրաձգության երկրորդ դեպքից հետո:
«Ես ոչ մի րոպե կամ ժամ չեմ սպասի՝ ապագայում կյանքեր փրկելու համար գործողություններ ձեռնարկելու նպատակով: Ես կոչ եմ անում Ներկայացուցիչների պալատի և Սենատի իմ գործընկերներին՝ միջոցներ ձեռնարկել»,- հայտարարեց Բայդենը
Նրա խոսքով՝ անհրաժեշտ է երկրում արգելել հրաձգային զենքը, ինչպես նաև վերացնել գնորդների ինքնությունը ստուգելու ընթացակարգում առկա թերությունները:
Բայդենը Սենատին կոչ է արել անհապաղ օրենք ընդունել՝ շեշտելով, որ դա ոչ թե կուսակցական, այլ համապետական խնդիր է, որը «կյանքեր կփրկի»:
Հիշեցնենք, որ նախօրեին Կոլորադոյի Բոուլդեր քաղաքում գտնվող սուպերմարկետում զինված տղամարդը գսպանել էր տաս մարդու: Հանցագործին հաջողվել էր ձերբակալել եւ հոսպիտալացնել վնասվածքներով: Բայդենը հնգօրյա սուգ է հայտարարել մահացածների համար:
Տեղի ոստիկանություն հաղորդման համաձայն պարզվել է, որ նա նահանգի 21-ամյա բնակիչ Ահմադ Ալ-Իսսան է: Հետաքննությունը դեռ չի պարզել զինված անձի դրդապատճառը: Ձերբակալված Ալի Ալ Իսսայի ավագ եղբայրը լրագրողներին ասել է, որ իր եղբայրը քաղաքական ընդգծված հայացքներ չունի, բայց դպրոցում բռնության ենթարկվելուց հետո նրա մոտ նկատվել են հոգեբանական շեղումներ:
Այս դեպքից մեկ շաբաթ առաջ 21-ամյա Ռոբերտ Աարոն Լոնգը կրակ էր բացել Ջորջիա նահանգի Ատլանտա քաղաքի մերսման երեք սրահների վրա՝ սպանելով ութ մարդու, հիմնականում ասիական ծագմամբ կանայք: Տեղական լրատվամիջոցները, վկայակոչելով աղբյուրներ, հայտնում են, որ դա «նպատակային հարձակում է՝ անձնական բողոքների պատճառով»:
