30.06.2026 | 16:03
ՌԴ-ում տաքսու վարորդներն ավելի քիչ են աշխատանքի դուրս գալիս՝ վառելիքային ճգնաժամի ֆոնին
ԵՄ-ն քննարկում է Թուրքիայի դեմ զբոսաշրջային պատժամիջոցներ սահմանելու հարցը
Քաղաքականություն
23.03.2021 | 22:30
Եվրամիությունը քննարկում է Թուրքիայի զբոսաշրջային ոլորտի դեմ հնարավոր պատժամիջոցների սահմանման հարցը այս շաբաթ տեղի ունենալիք գագաթնաժողովից առաջ։ Այս մասին գրում է Ahval գործակալությունը՝ հղում անելով euobserver-ին։
Համաձայն ԵՄ-ի արտաքին քաղաքականության ռազմավարության՝ քննարկվում է պատժամիջոցների լայն շրջանակ, որոնք ուղղված են լինելու Թուրքիայի տնտեսության կարևոր ոլորտներին։ Դրանց շարքում է զբոսաշրջային ծառայություների մատուցումը, անդամ պետությունների կողմից բացասական տուրիստական խորհրդատվությունը։ Զբոսաշրջությունը Թուրքիայի համար կարևոր եկամտի աղբյուր է թուրքական բիզնեսի համար, որը մեծապես տուժել է COVID-19 համավարակի հետևանքով։
Լրատվամիջոցը գրում է, որ քննարկվող մյուս միջոցառումներից է Եվրոպական ներդրումային մարմնի կողմից վարկերի տրամադրման սահմանափակումն ու պատժամիջոցների կիրառումը այն էներգետիկ ոլորտի հատկապես այն անձանց նկատմամբ, որոնք մասնակցում են Արևելյան Միջերկրականի վիճելի ջրերում հորատման աշխատանքներին։
Փաստաթղթում, սակայն, նշվում է, որ եթե Թուրքիան շարունակի ԵՄ-ի հետ հարաբերություններում դեէսկալացման քաղաքականությունը, կպարգևատրվի։
Մեկ միջոցառում, որը քննարկման ենթակա չէ, Թուրքիային տրամադրվող ֆինանսական աջակցության, 2016թ-ի միգրացիոն համաձայնագրի շարունակումն է, որը թույլ տվեց կրճատել սիրիացի փախստականների մուտքը Եվրոպա։ Համաձայնագիրը դեկտեմբերին ավարտվել է, սակայն եվրոպացի առաջնորդները ցանկանում են վերականգնել այն։
ԵՄ գագաթնաժողովը կմեկնարկի հինգշաբթի և կտևի երկու օր։
Էմմա Չոբանյան
