19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
Չեռնոբիլի տարածքում ճղճղուկների անկում է նկատվել
Քաղաքականություն
23.03.2021 | 22:21
Ուկրաինայում Չեռնոբիլի ճառագայթման և բնապահպանական կենսոլորտային արգելոցն ահազանգում է, որ մեկուսացման գոտում ճնճղուկների անկման դեպքեր են գրանցվել: Այս մասին հայտնում է ՌԻԱ Նովոստին՝ հղում անելով արգելոցի ֆեյսբուքյան էջին։
Փորձագետների կարծիքով՝ 2020 թվականին անցկացված հետազոտության ընթացքում այս թռչնատեսակը նույնիսկ չի ընդգրկվել ամենատարածված թռչունների հնգյակում։ Նրանք նշել են, որ անհետացման եզրին են ինչպես դաշտային, այնպես էլ տնային ճնճղուկները։
«Դրանց քանակը նվազում է՝ ոչ միայն Չեռնոբիլի մեկուսացման գոտում, այլև ամբողջ Ուկրաինայում»,- նշել են մասնագետները։
Այնուամենայնիվ, նրանք հավելել են, որ դեռ վաղ է խոսել այս թռչունների ամբողջական ոչնչացման մասին, բայց դրանք արդեն ռիսկային խմբում հայտնվելու եզրին են:
Հիշեցնենք՝ Չեռնոբիլի ատոմակայանի պայթյունը տեղի է ունեցել 1986 թվականի ապրիլի 26-ին։ Դրա հետևանքով ահռելի քանակությամբ ճառագայթող նյութեր են արտանետվել շրջակա միջավայր: Այսօր էլ ատոմակայանի շուրջ 30 կիլոմետր շառավղով արգելված գոտի է։
Նելլի Մելքոնյան
