31.10.2026 | 22:55
Հայտնաբերվել է զինծառայողի դի. ՊՆ
Պարգևավճարներ՝ ով, երբ և ինչքան է ստացել․ հարցը կրկին քննարկվում է ԱԺ-ում. ՏԵՍԱՆՅՈՒԹ
Քաղաքականություն
23.03.2021 | 14:00
«Երբ խոսվում է պարգևավճարների մասին, չգիտեմ ինչու` պարոն Գաբրիելյանը չնշեց, որ մեկ տարի ԲՀԿ բոլոր պատգամավորները պարգևավճարները փոխանցել են պանդեմիայի և հետո պատերազմի ֆոնդին: Մենք ունենք փաստաթուղթ պարոն Միրզոյանի անունով»,- հայտարարեց ԲՀԿ խմբակցության պատգամավոր Արման Աբովյանը՝ անդրադառնալով «Իմ քայլը» խմբակցության պատգամավոր Սիսակ Գաբրիելյանի անդրադարձին պարգևավճարների թեմային: «Եթե ասում եք Ա, ասեք նաև Բ»,- նշեց Աբովյանը:
«ԱԺ պատգամավորները վերջին անգամ պարգևավճար ստացել են 2020թ. փետրվարի համար, դրանից հետո որևէ պատգամավոր պարգևավճար չի ստացել: Նաև` ԱԺ բազմաթիվ պատգամավորներ, անկախ ֆրակցիաներից, իրենց աշխատավարձերը` ամբողջությամբ կամ մասնակիորեն, փոխանցել են թե՛ կորոնավիրուսի հետ կապված դրամահավաքին, թե՛ պատերազմի հետևանքով «Հայաստաան» հիմնադրամին»,- հայտարարեց ԱԺ նախագահ Արարատ Միրզոյանը:
ԼՀԿ խմբակցության պատգամավոր Աննա Կոստանյանը կարծիք հայտնեց, որ Սիսակ Գաբրիելյանը միտումնավոր հնչեցրեց պարգևավճարների թեման: «Ես կուզեի պաշտոնական հարցումների արդյունքում դուրս բերված չոր թվեր հնչեցնել»,- նշեց Կոստանյանը՝ ներկայացնելով այդ թվերը: Նա առաջարկեց միտումնավոր նման դիսկուրս չբացել ԱԺ ամբիոնից:
Մանրամասները՝ տեսանյութում:
