Եղանակի կայունացում չի սպասվում․ բոլոր մարզերում տեղումներ կլինեն․ Սուրենյան. ՏԵՍԱՆՅՈՒԹ

Առաջիկա օրերին եղանակի կայունացում չի սպասվում։ Այս մասին այսօր տեղի ունեցած ասուլիսի ժամանակ ասաց «Հիդրոօդերևութաբանության և մոնիտորինգի կենտրոն» տնօրենի տեղակալ Գագիկ Սուրենյանը։

«Այսօր երեկոյան ժամերին սպասվում է հերթական հզոր ցիկլոնի ներթափանցումը Հանրապետության տարածք։ Երեկոյան ժամերից Հանրապետության ողջ տարածքում տեղումները կվերսկսվեն, այդ ցիկլոնը մեզ մոտ կգործի մինչև մարտի 25-ը ներառյալ, բոլոր շրջաններում սպասվում են տեղումները, բարձր լեռնային շրջաններում ջերմաստիճանը մի փոքր ցածր է՝ ձյուն կտեղա, նախալեռներում և հովտային գոտիներում տեղումները սպասվում են անձրևի տեսքով։ Առանձին հատվածներում վաղը տեղումները կլինեն բավականին ինտենսիվ՝ խոսքը վերաբերում է Հանրապետության հատկապես կենտրոնական շրջաններին՝ Կոտայք, Արագածոտն հատվածներին։ Կուղեկցվեն ամպրոպներով, սպասվում է քամու ուժգնացում մինչև 20-25 մ/վ։

Մարտի 26-ին մի փոքր այդ պրոցեսը կթուլանա, տեղումները ժամանակավորապես կդադարեն, իսկ ահա 27-ին Սև ծովի շրջաններից ցուրտ ճակատի ներխուժում կունենանք, նորից տեղումները ողջ Հանրապետության տարածքում կվերսկսվեն, այդ օրը կունենանք ջերմաստիճանի կտրուկ անկում՝ 7-10 աստիճանով, ձյուն կտեղա, կրկին Լոռիում ու Տավուշում, բոլոր լեռնային և նախալեռնային շրջաններում։ Անձրևի տեսքով տեղումներ սպասվում են միայն Հանրապետության հովտային գոտիներում»,- նշեց Սուրենյանը։

Հարցին՝ ե՞րբ սպասենք արևի՝ Սուրենյանը պատասխանեց. «Այս պահի դրությամբ, մինչև մարտի 27-ը ներառյալ չունենք եղանակի պարզեցում, միայն 28-ից սկսած է, որ որոշակի 2-3 օր, չի բացառվում, որ տեղումները դադարեն և կլինի եղանակի պարզեցում։ Այս պարզեցումը ուղեկցվելու է գիշերային ժամերին ջերմաստիճակի անկմամբ և չի բացառվում, որ Արարատյան դաշտում օդի ջերմաստիճանը մոտենա մինչև -1, -2 աստիճանի»։

Մանրամասները՝ տեսանյութում: