08.10.2026 | 14:07
Պուտինի և Թրամփի միջև հեռախոսազրույցի հստակ ամսաթիվը դեռևս հայտնի չէ
Գործեր ունենք՝ 15-20 տարի է տևում․ ուզում ենք փաստաբանություն, որը գործը ձգձգո՞ւմ է․ Վ․ Վարդանյան. ՏԵՍԱՆՅՈՒԹ
Քաղաքականություն
19.03.2021 | 12:37
«Հայաստանի Հանրապետության դատական օրենսգիրք» սահմանադրական օրենքում փոփոխությունների նախագծի քննարկման ժամանակ ԱԺ «Իմ քայլը» խմբակցության պատգամավոր Հերիքնազ Տիգրանյանն անդրադարձավ դատական իրավունքի չարաշահումներից նախագծով սահմանված դատաիրավական նոր սանկցիաներին:
«Ապացույցներ ներկայացնելու կամ բացարկի հիմքերի դեպքում գուցե դրվեր ուղղակի դատավարական կոնկրետ փուլով սահմանափակում կամ միջնորդության պարագայում ուղղակի արհեստական հիմքերը դրվեին՝ որպես սահմանափակման հիմք, այլապես կստացվի, որ այս իրավունքների սահմանափակումները կարող են դատավարության կողմերին զրկել դատավարական իրենց որոշ իրավունքներ հիմնավորված իրականացնելու հնարավորությունից»,- նշեց Տիգրանյանը:
Նախագծի հիմնական զեկուցող Վլադիմիր Վարդանյանը պարզաբանեց՝ խոսքը պարբերաբար միևնույն իրավունքը միևնույն նիստին չարաշահելու մասին է: «Օրինակ՝ կա ինքնաբացարկի 3 հիմք: Ներկայացնում է ինքնաբացարկի 1 հիմք, դատարանը մերժում է, ներկայացնում է 2-ը, նորից մերժում է, հետո՝ 3-ը: Հիմա հարց եմ տալիս՝ այդ հիմքերը հայտնի չէ՞ին կողմին, երբ ներկայացնում էր առաջին միջնորդությունը: Հայտնի էին: Հիմա ուզում եմ հասկանալ՝ ի վերջո, մենք ի՞նչ ենք ուզում՝ փաստաբանությո՞ւն, թե՞ արդարադատություն: Բայց մենք ուզո՞ւմ ենք փաստաբանություն, որն առաջնորդվում է նրանով, որ ինչքան հնարավոր է՝ գործերը ձգձգեն: Մենք գործեր ունենք՝ 15-20 տարի են տևում»,- նշեց Վարդանյանը:
Մանրամասները՝ տեսանյութում:
