09.08.2026 | 10:44
ՀՀ տարածքում ավտոճանապարհներն անցանելի են
Թուրքիայում Աֆրինի գործողության վերաբերյալ սոցցանցերում հրապարակում արած հարյուրավոր մարդիկ են ձերբակալվել
Քաղաքականություն
05.02.2018 | 20:31
Այսօր լրանում է 17-րդ օրը, ինչ Թուրքիայի ԶՈՒ-ն Սիրիայի քրդաբնակ Աֆրին շրջանում իրականացնում է «Ձիթենու ճյուղ» ռազմական գործողությունը. փոխանցում է EH-ն:
Թուրքիայի ներքին գործերի նախարարությունը տվյալներ է հրապարակել այս ընթացքում, սոցցանցերում գործողության վերաբերյալ իրենց հրապարակումներում «ահաբեկչության քարոզչություն» անելու մեջ մեղադրվողների ձերբակալությունների վերաբերյալ:
Այդ տվյալների համաձայն՝ այսօրվա դրությամբ ահաբեկչության պրոպագանդայի մեջ մեղադրվել և բերման է ենթարկվել սոցցանցերում գրառում կատարած 449 հոգի, ինչպես նաև փողոցներում բողոքի ակցիա իրականացրած 124 ցուցարար:
Հիշեցնենք, որ Թուրքիայի ԶՈՒ-ն և պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին ներխուժել ենՍիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
