30.06.2026 | 19:14
36 ժամ ջուր չի լինի Երևանի մի շարք հասցեներում
ԵՄ անդամ երկրների դեսպանները համաձայն են Ռուսաստանի դեմ պատժամիջոցների կիրառմանը՝ մարդու իրավունքների խախտումների համար
Քաղաքականություն
17.03.2021 | 18:50
Եվրամիության անդամ 27 երկրների դեսպաններն ավարտել են Ռուսաստանի այն քաղաքացիների դեմ նոր պատժամիջոցներ համաձայնեցնելու գործընթացը, որոնց ԵՄ-ն համարում է պատասխանատու՝ մարդու իրավունքների խախտումների համար։ Այս մասին հայտնում է ՏԱՍՍ-ը։
Լրատվամիջոցի փոխանցմամբ՝ ԵՄ մշտական անդամները վերջնականապես հաստատել են մարդու իրավունքների ոտնահարման մեջ ներգրավված անձանց նոր սև ցուցակը, որում ընդգրկված են տարբեր երկրների, մասնավորապես՝ Ռուսաստանի, Չինաստանի և Լիբիայի անհատներ։
Ակնկալվում է, որ ԵՄ անդամ երկրների արտգործնախարարները հավանություն կտան որոշմանը՝ մարտի 22-ին կայանալիք իրենց հաջորդ հանդիպմանը:
Ավելի վաղ՝ մարտի 2-ին, Եվրամիությունը Ռուսաստանի դեմ պատժամիջոցներ է կիրառել բլոգեր Ալեքսեյ Նավալնիի շուրջ ստեղծված իրավիճակի կապակցությամբ՝ հիմնվելով ԵՄ մարդու իրավունքների մեխանիզմի վրա:
Պատժամիջոցների թիրախում Քննչական կոմիտեի ղեկավար Ալեքսանդր Բաստրիկինն է, Ազգային գվարդիայի պետ Վիկտոր Զոլոտովը, Քրեակատարողական ծառայության դաշնային ծառայության տնօրեն Ալեքսանդր Կալաշնիկովը և գլխավոր դատախազ Իգոր Կրասնովը:
